श्रमिकका लागि बोर्डको योजना : छोराछोरीका लागि पढ्दै कमाउँदै कार्यक्रमदेखि विदेशमा स्वास्थ्य शिविरसम्म

साउन ३०, २०८० मंगलबार १८:१२:१२ | उज्यालो सहकर्मी

काठमाण्डौ – वैदेशिक रोजगार बोर्डले परदेशीका छोराछोरीका लागि पढ्दै कमाउँदै कार्यक्रम सञ्चालन गर्ने भएको छ ।

चालु आर्थिक वर्ष २०८०/०८१ मा वैदेशिक रोजगारीमा रहेका श्रमिकका छोराछोरीका लागि स्कुलहरूसँगको समन्वयमा पढ्दै कमाउँदै कार्यक्रम सञ्चालन गर्न लागिएको बोर्डका निर्देशक तथा सूचना अधिकारी राजन पौडेलले जानकारी दिनुभयो ।

‘वैदेशिक रोजगारीमा धेरै गएका जिल्लाहरूको छनौट गरी यो कार्यक्रम सञ्चालन गरिने छ’ सूचना अधिकारी पौडेलले भन्नुभयो ‘यो कार्यक्रमले परदेशीका छोराछोरीलाई केही भए पनि सहयोग पुग्ने छ भन्ने बोर्डले आशा लिएको छ ।’

चालु आर्थिक वर्षका लागि बोर्डले एक अर्ब १२ करोड रुपैयाँ बजेट छुट्टाएको छ । जसअन्तर्गत बोर्डले यस वर्ष विभिन्न नयाँ कार्यक्रमहरूसमेत गर्ने योजना अघि सारेको छ ।

वैदेशिक रोजगारीको क्रममा विभिन्न कारणले अङ्गभङ्ग भएर फर्किएका श्रमिकहरूलाई विभिन्न सामग्रीहरूसमेत उपलब्ध गराउने भएको छ । आवश्यकता अनुसार ह्विलचियरदेखि कृतिम हात खुट्टा लगायतका सामग्रीमा समेत सहयोग गर्ने यस वर्ष बोर्डले योजना बनाएको छ ।

यसका साथै वैदेशिक रोजगार बोर्डमा नै एक जना मनोपरामर्शकर्तासमेत राख्ने सूचना अधिकारी पौडेलले जानकारी दिनुभयो । वैदेशिक रोजगारीमा रहेका श्रमिकहरूसँग उनीहरूका परिवार लगायतलाई मनोपरामर्श सेवा प्रदान गर्ने गरी बोर्डले मनोपरामर्शकर्ता नियुक्त गर्ने जनाएको छ ।

अघिल्लो वर्षदेखि वैदेशिक रोजगारीमा रहेका श्रमिकहरूका लागि वीर अस्पतालसँगको सहकार्यमा बोर्डले टेलिमेडिसिन सेवा सञ्चालन गर्दै आएको छ । यस वर्ष भने विभिन्न गन्तव्य देशमा नै विशेषज्ञ डाक्टरहरूको टोलीसहित गएर श्रमिकका लागि निःशुल्क स्वास्थ्य शिविर सञ्चालन गर्ने भएको छ ।

यस्तै वैदेशिक रोजगारीमा रहेका श्रमिकहरूको तत्काल उद्धारका लागि बोर्डले यस वर्ष पाँच करोड रुपैयाँ बजेट विनियोजन गरेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्