६८ पालिकाले मात्रै गरे वैदेशिक रोजगारीबाट फर्किएकाको लागि पुनः एकीकरण कार्यक्रम

साउन ३१, २०८० बुधबार १४:१३:५८ | उज्यालो सहकर्मी

काठमाण्डौ – गएको आर्थिक वर्ष वैदेशिक रोजगारीबाट फर्किएका श्रमिकका ६८ पालिकाले मात्रै पुनः एकीकरण कार्यक्रम सञ्चालन गरेका छन् ।

कार्यक्रम सञ्चालनका लागि प्रस्ताव पेस गरेकामध्ये ६८ पालिकाले मात्रै कार्यक्रम सञ्चालन गरेको वैदेशिक रोजगार बोर्डले जनाएको छ ।

आर्थिक वर्ष २०७९/८० मा वैदेशिक रोजगारीबाट फर्किएका श्रमिकका लागि पुनः एकीकरण कार्यक्रम सञ्चालनका लागि बोर्डसँग ८१ पालिकाले सम्झौता गरेका थिए ।

बोर्डले पालिकाकै प्रस्तावको आधारमा सम्झौता गरेर पुनः एकीकरण कार्यक्रम सञ्चालनका लागि रकम पठाएको थियो । तर बोर्डसँग सम्झौता गरेर रकमसमेत पठाइएका ८१ मध्ये १३ पालिकाले कार्यक्रम सञ्चालन गर्न नसकेको बोर्डको भनाई छ ।

गएको आर्थिक वर्ष बोर्डले वैदेशिक रोजगारीबाट फर्किएकाहरूका लागि पुनः एकीकरण कार्यक्रम सञ्चालनका लागि १५ करोड रुपैयाँ बजेट विनियोजन गरेको थियो ।

तर यस वर्ष भने बोर्डले यो कार्यक्रममा लागि बजेट घटाएको छ । यस वर्ष करिब १२ करोड रुपैयाँ बजे विनियोजन गरेको बोर्डका कार्यकारी निर्देशक डा. द्वारिका उप्रेतीले जानकारी दिनुभयो ।

उहाँका अनुसार यस वर्ष बोर्डले एक अर्ब १२ करोड रुपैयाँ बजेटको नीति तथा कार्यक्रम तय गरेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्