आफ्नो खेतको पराल जलाउँदा अरुको खेतको पाँच लाख बराबरको धान जलेर नष्ट

कात्तिक १५, २०७५ बिहीबार २०:१४:४५ | गोपाल भण्डारी

कपिलवस्तु – धान बालीमा आगलागी हुँदा मायादेवी गाउँपालिकाको वडा नं. ४ पिपरामा ५ लाख रुपैयाँ बराबरको धान जलेर नष्ट भएको छ ।

धान काट्ने मेशिन कम्बाइनले धान काट्दा खेतमै छाडिएको पराल जलाउने क्रममा अरुको खेतमा रहेको ५ लाख रुपैयाँ मूल्य बराबरको धान बाली जलेर नष्ट भएको हो ।

स्थानीय राम अचल चमारले आफ्नो खेतमा रहेको पराल जलाउने क्रममा त्यही आगोबाट त्यसै गाउँपालिका वडा नं. ४ का रामकेश बढाई, रामदास लोध, बैतुल्लहा मुसालमान, रामकुमार यादवल गायत १५ जनाको खेतमा आगलागी भई करिब ५ लाख बराबरको धान क्षति भएको इलाका प्रहरी कार्यालय पकडीका प्रहरी निरीक्षक सन्तोष पोखरेलले बताउनुभयो ।

धानको पराल जलाउने क्रममा धान खेतमा आगो लागेको यो घटना जानकारीमा आउनासाथ जिल्ला प्रशासन कार्यालय कपिलवस्तुले तुरन्तै सर्वजानिक सूचना प्रकाशित गरी यस्तो कार्य नगर्न र नगराउन आदेश गरेको छ ।

यो आदेशलाई अटेर गरी धान खेतमा रहेको पराल जलाउने काम गर्ने जो कोहीलाई सार्वजनिक अपराध अन्र्तगत मुद्धा दायर गरी कारबाही प्रक्रिया अघि बढाइने सहायक प्रमुख जिल्ला अधिकारी रामेश्वर अर्यालले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्