१३ वर्षीया बालिका बलात्कारको आरोपमा युवक पक्राउ

कात्तिक १७, २०७५ शनिबार १३:४८:२१ | गोपाल भण्डारी

कपिलवस्तु – १३ वर्षीया बालिका बलात्कारको आरोपमा प्रहरीले शिवराज नगरपालिका वडा नं.–१ का एक युवकलाई पक्राउ गरेको छ ।

प्रहरीले स्थानीय २२ वर्षीय युवक खिम बहादुर वि.क.लाई स्थानीय एक बालिकालाई बलात्कार गरेको आरोपमा पक्राउ गरेको वडा प्रहरी कार्यालय चन्द्रौटाले जनाएको छ ।

पक्राउ परेका वि.क.ले बुधबार राति १३ वर्षीय एक बालिकालाई घर नजिकै शौचालयमा शौच गर्न गएको मौका छोपी जबरजस्ती समातेर मुख छोपी बलात्कार गरेको पीडित परिवारले आरोप लगाएको छ ।

पीडित परिवारको उजुरीका आधारमा युवक वि.क.लाई पक्राउ गरी थप अनुसन्धान गरिरहेको वडा प्रहरी कार्यालयका प्रहरी निरिक्षक महेश्वर उपाध्यायले बताउनु भयो ।

मेडिकल रिपोर्टको आधारमा युवकमाथि कारवाही प्रक्रिया अघि बढ्ने प्रहरी निरिक्षक उपाध्यायले बताउनु भयो ।

बलात्कार जस्तो जघन्य अपराधमा पीडकलाई हदैसम्मको सजाय हुनु पर्ने भन्दै पीडित परिवारले प्रहरीलाई दबाब दिएका छन् भने स्थानीय संचारकर्मीहरुसँग न्यायका लागि पहल गरिदिन अनुरोध गरेका छन् ।

घटनाको प्रकृतिका आधारमा प्रहरी अनुसन्धान र मेडिकल रिर्पोट अनुसार दोषीलाई नियम अनुसारको कारबाही हुने प्रहरी नायब उपरीक्षक रवि रावलले बताउनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्