व्यक्तित्वको टकराबले अर्थतन्त्रलाई बन्धक बनाउन हुँदैन : सांसद वाग्ले

असोज १६, २०८० मंगलबार १५:५३:१६ | उज्यालो सहकर्मी

काठमाण्डाै – राष्ट्रिय स्वतन्त्र पार्टीका सांसद डा. स्वर्णिम वाग्लेले व्यक्तित्वको टकराबले देशको अर्थतन्त्रलाई बन्धक बनाउन नहुने बताउनुभएको छ ।

आज मङ्गलवार प्रतिनिधिसभा अन्तर्गतकाे अर्थ समिति बैठकमा सांसद वाग्लले वित्तीय र मौद्रिक नीतिबीचको तालमेलमा समन्वय नभएको भन्ने गुनासो लामो समयदेखि आएको भन्दै यस्तो बताउनुभएको हो । उहाँले सरकारले देशको अर्थतन्त्र सुधार गर्नका लागि उपभोक्ताको समेत अपेक्षालाई समेटर सरकारले सुक्ष्म अर्थतन्त्रलाई पनि सँगै ध्यान दिनुपर्ने बताउनुभयो ।

सरकारले अर्थतन्त्र सुधारको आधार जलविद्युत् र निर्यात वृद्धि मान्ने सांसद वाग्लेले बताउनुभयो । उहाँले जलविद्युतको याेगदान कुल गार्हस्थ्य उत्पादनमा जम्मा एक प्रतिशत मात्रै रहेको भन्दै तीन हजार मेगावाट जडित क्षमतामा एक प्रतिशतले अर्थतन्त्रमा कति योगदान गर्न सक्छ भन्दै प्रश्न गर्नुभयाे ।

उहाँले भन्नुभयो, ‘सरकारले अर्थतन्त्र सुधारकाे आधार जलविद्युत् र निर्यात वृद्धि मानेकाे छ । जलविद्युतको याेगदान कुल गार्हस्थ्य उत्पादनमा जम्मा एक प्रतिशत मात्रै छ । वित्तीय र मौद्रिक नीतिबीचको तालमेलमा समन्वय नभएको भन्ने गुनासो लामो समयदेखि चल्दै आएको छ । व्यक्तित्वको टकराबले सम्पूर्ण राज्यको नीतिलाई बन्धक बनाउन हुँदैन ।’

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

व्यक्तित्वको टकराबले अर्थतन्त्रलाई बन्धक बनाउन हुँदैन : सांसद वाग्ले

फाइल तस्बिर

तपाईको प्रतिक्रिया