ट्याक्टर दुर्घटनामा दुई मलामीको मृत्यु, ६ जना गम्भीर घाइते

कात्तिक १८, २०७५ आइतबार १६:१४:३८ | दुर्गा उपाध्याय

कञ्चनपुर – बेदकोट नगरपालिकामा ट्याक्टर दुर्घटना हुँदा २ जनाको ज्यान गएको छ । दुर्घटनामा ६ जना गम्भीर घाइते भएका छन् भने सातजना सामान्य घाइते भएको छन् ।

गाउँलेको मलामी गएर फर्किदै गरेको से १ त ५४२२ नम्बरको ट्याक्टरलाई कुखुरा बोकेको म १ च ३११ नम्बरको गाडीले ठक्कर दिएपछि दुर्घटना भएको हो । दुर्घटनामा बेदकोट नगरपालिका ४ का ३५ वर्षीया राजु भनिने राजेन्द्र नागरि र सोही ठाँउका ३२ वर्षीया प्रेमसिंह धामीको ज्यान गएको हो ।

दुर्घटनामा गम्भीर घाइते भएका लीप भण्डारी, दीपक धानुक, अनु धानुक, भक्तबहादुर महरा, प्रकाश जोशी र गोविन्दसिंह जाग्रीलाई थप उपचारका लागि धनगढी रिफर गरिएको जिल्ला प्रहरी कार्यालय कञ्चनपुरका प्रवक्ता कृष्णराज ओझाले बताउनुभयो ।

ट्याक्टरले कुखुरा बोकेको गाडीलाई ठक्कर दिएपछि ओभरटेक गरेर अगाडि रोकिपछि दुर्घटना भएको दुर्घटनामा घाइते भएका दयानन्द भट्टले बताउनुभयो । ट्याक्टरलाई ठक्कर दिने गाडीका चालक प्रेमसिंह बोहरालाई नियन्त्रणमा लिएको ओझाले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्