राष्ट्रसङ्घको महासभामा गाजामा युद्धविराम रोक्न माग गरिएको प्रस्ताव बहुमतले पारित

मंसिर २७, २०८० बुधबार १२:२४:१२ | एजेन्सी

काठमाण्डौ – संयुक्त राष्ट्रसङ्घको महासभामा गाजा क्षेत्रमा युद्धविराम रोक्न माग गरिएको प्रस्ताव बहुमतले पारित भएको छ । यो प्रस्तावमा राष्ट्रसङ्घका १९३ सदस्य राष्ट्रमध्ये १५३ राष्ट्रले मत दिएका अल जजिराले जनाएको छ ।

अमेरिका, इजरायल, चेक रिपब्लिक, ग्वाटेमाला, लाइबेरियालगायत १० देशले भने विपक्षमा मतदान गरेका छन् । २३ देशले मतदानमा भाग नै लिएनन् । युद्धविराम रोक्न माग गरिएको प्रस्तावमा इजरायल र हमासको बन्धकमा रहेका सबैलाई तत्काल विना शर्त रिहा गर्न माग गरिएको छ ।

यस्तै, गाजा क्षेत्रका नागरिकको सुरक्षाका लागि सबै पक्षद्वारा अन्तर्राष्ट्रिय कानुनको पालना गर्न पनि प्रस्तावमा भनिएको छ । राष्ट्रसङ्घको सुरक्षा परिषद्ले गाजामा भइरहेको युद्ध रोक्नका लागि आग्रह गर्दै आएको छ ।

यसअघि गाजा क्षेत्रमा युद्धविराम गर्ने प्रस्तावमा अमेरिकाले भिटो अर्थात विशेषाधिकार प्रयोग गरेर असफल बनाइदिएको थियो । अमेरिकाले गाजामा भइरहेको बमबारीलाई लिएर पहिलो पटक इजरायलको आलोचना गरेको छ । आफूहरुले समर्थन गर्दै आए पनि मानव जीवनको रक्षाका लागि अमेरिकाले इजरायललाई आग्रह गरेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्