आहा रारा पोखरा गोल्डकपको उपाधिका लागि आर्मी र थ्रि स्टार खेल्दै : इतिहास रच्ने दाउ

माघ २०, २०८० शनिबार ८:३८:२१ | उज्यालो सहकर्मी

काठमाण्डौ – आहा रारा पोखरा गोल्डकपको उपाधिका लागि आज त्रिभुवन आर्मी र थ्रि स्टार क्लब खेल्दैछन् । फाइनल खेल पोखरा रङ्गशालामा दिउँसो एक बजे शुरु हुनेछ । आर्मी यसअघि चार पटक फाइनल पुगेर पनि उपाधि जित्न सकेको छैन । आज जुन टोलीले जिते पनि इतिहास बन्नेछ । आर्मीलाई उपाधि जितेर इतिहास रच्ने अवसर छ ।

त्यस्तै थ्रि स्टार च्याम्पियन बनेमा उसले छैटौँ पटकको जितसहित इतिहास रच्नेछ । उसले यसअघि सर्वाधिक समान ६ पटक उपाधि जित्ने नेपाल पुलिस क्लब र मनाङ मस्र्याङ्दी क्लबसँग बराबरी गर्नेछ । आर्मीले प्रिक्वाटरफाइनलमा राइजिङ स्टार फुटबल क्लब, क्वाटरफाइनलमा संकटा र सेमिफाइनलमा चर्च ब्वाइज युनाइटेडलाई हराएर फाइनल पुगेको हो ।

थ्रि स्टारले उद्घाटन खेलमा आयोजक सहारालाई हरायो, क्वाटरफाइनलमा भुटानको पारो फुटबल क्लब र सेमिफाइनलमा जावलाखेल युथ क्लबलाई हराउँदै फाइनलमा पुगेको हो । प्रतियोगिताको च्याम्पियन टोलीले १२ लाख एक हजार र उपविजेता टोलीले छ लाख एक हजार नगद पुरस्कार ट्रफि पाउनेछ ।

यसैगरी विभिन्न पाँच विधामा उत्कृष्ट खेलाडीलाई जनही २५ हजारका दरले पुरस्कार दिइने आयोजक सहारा क्लब पोखराले जनाएको छ । २३औँ संस्करणको प्रतियोगितामा एक विदेशीसहित १२ टोलीले प्रतिस्पर्धा गरेका थिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्