नेपालले बहराइनसँग दशरथ रङ्गशालामा खेल्न नपाउने

फागुन १८, २०८० शुक्रबार १६:२२:५५ | उज्यालो सहकर्मी

काठमाण्डाै – फिफा विश्वकप २०२६ एसियाली छनोटअन्तर्गत नेपाल र बहराइनबीचको पहिलो खेल दशरथ रङ्गशालामा नहुने भएको छ ।

त्रिपुरेश्वरको दशरथ रङ्गशालाको मैदान अन्तर्राष्ट्रिय खेलका लागि अनुपयुक्त देखिएपछि नेपालले बहराइनसँग घरेलु मैदानमा खेल्न नपाउने भएको अखिल नेपाल फुटबल सङ्घ (एन्फा) ले आज विज्ञप्ति निकालेर जानकारी दिएको छ ।

विश्वकप छनोटका खेल ‘होम’ र ‘अवे’ का आधारमा हुने नियममा छ । त्यहीअनुसार पहिलो लेग चैत ८ गते नेपालमा र दोस्रो लेग चैत १३ गते बहराइनमा हुनुपर्ने थियो । तर मैदानकाे अवस्थाका कारण नेपालले घरेलु मैदानमा खेल्न नपाउने भएकाे हाे ।

अब नेपाल र बहराइनले खेल्ने पहिलो लेगको ठाउँबारे छिट्टै जानकारी दिने एन्फाले जनाएको छ । केही हप्ताअघि एसियाली फुटबल महासङ्घ (एएफसी) को प्रतिनिधिले दशरथ रङ्गशालाको निरीक्षण गरेका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालले बहराइनसँग दशरथ रङ्गशालामा खेल्न नपाउने

फाइल फाेटाे

तपाईको प्रतिक्रिया