प्रिमियर लिग : आर्सनल शीर्ष र सिटी दोस्रो स्थानमा यथावत्, आज तीन वटा खेल हुँदै

 वैशाख २३, २०८१ आइतबार ८:७:४१ | एजेन्सी
unn.prixa.net

तस्बिर : सामाजिक सञ्जाल

काठमाण्डौ – इंग्लिस प्रिमियर लिग फुटबलमा गएराति भएको खेलमा शीर्ष स्थानको आर्सनलले बर्नमाउथलाई ३–० ले हराएको छ । लिगमा आर्सनल ३६ खेलमा ८३ अङ्कका साथ शीर्ष स्थानमा कायमै छ । आर्सनलको जितमा बुकायो साका, लिआन्ड्रो ट्रोसार्ड र डेक्लान राइसले गोल गरे ।

अर्को खेलमा दोस्रो स्थानको म्यानचेस्टर सिटीले उल्भ्स्लाई ५–१ ले हराएको छ । उसका फरवार्ड हालान्डले चार गोल गरे । जुलियन अल्भारेजले एक गोल थपे । उल्भ्स्का ह्वांग हिचानले एक गोल फर्काए । जितसँगै सिटी ३५ खेलमा ८२ अङ्कका साथ दोस्रो स्थानमा यथावत् छ । शीर्ष स्थानमा रहेको आर्सनलले एक खेल बढी खेलेको छ ।

यस्तै गएराति नै भएका अरु खेलमा ब्रेन्टफर्ड र फुलहमले गोलरहित बराबरी खेलेका छन् । नटिङघम फरेष्टले सेफिल्डलाई ३–१ ले हराएको छ भने न्यूक्यासलले बर्नलीलाई ४–१ ले हराएको छ । प्रिमियर लिगमा आज तीन वटा खेल हुँदैछन् ।

नेपाली समयअनुसार बेलुका पौने ७ बजे चेल्सी र वेस्ट ह्याम तथा ब्राइटन र एस्टन भिल्ला खेल्दैछन् । त्यस्तै राति सवा ९ बजे लिभरपुल र टोटनहमबीच खेल हुनेछ । लिभरपुल ३५ खेलमा ७५ अङ्कका साथ तालिकाको तेस्रो स्थानमा छ ।

अन्तिम अपडेट: साउन ७, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया