प्रदेश पाँचको नाम र स्थायी मुकाम जुराउने विशेष समितिको संयोजकमा रोल्पाका पुन

मंसिर ५, २०७५ बुधबार १४:४९:३२ | भवानीप्रसाद पाण्डे

रुपन्देही – प्रदेश नम्बर पाँचको स्थायी राजधानी र नाम सिफारिस गर्न बनेको संसदीय विशेष समितिको संयोजकमा रोल्पाका प्रदेशसभा सदस्य दिपेन्द्रकुमार पुन चयन हुनु भएको छ ।

तीन महिना कार्यकाल दिएर बनाइएको विशेष समितिको म्याद सकिन लागेको दिन बैठक बसेर पुन लाई सर्वसम्मतिबाट संयोजक चयन गरिएको हो । समितिले छलफल पनि नगरेको भन्दै आलोचना भइरहेको बेला पुनलाई संयोजक तोकेर फेरि म्याद थपका लागि सभामुखमार्फत अनुरोध गर्ने निर्णय बैठकले गरेको छ । बैठकले कार्यविधि बनाउने जिम्मा पनि संयोजकलाई दिएको छ । अलमलमा रहेको समितिले अब तीव्र गतिमा प्रदेशको नाम र राजधानीको विषयमा छलफल सुरु गर्ने संयोजक पुनले बताउनुभयो ।

तत्कालीन शेरवहादुर देउवा नेतृत्वको सरकारले बुटवललाई प्रदेशको अस्थायी मुकाम तोकेको हो । प्रदेशको नाममा धेरै विवाद नरहे पनि स्थायी मुकामको विषय भने पेचिलो बनेको छ । संविधानको धारा २८८ मा प्रदेशको नाम र स्थायी राजधानी सम्बन्धित प्रदेशसभाले निर्णय गरेअनुसार हुने भन्ने उल्लेख छ ।

तर बुटवलमा रहेको अस्थायी मुकाम अन्यत्र सार्नका लागि आवश्यक पर्ने दुई तिहाइ बहुमत पुग्ने अवस्था नरहेको समितिका एक जना सदस्यको भनाई छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्