उपसभामुखलाई हटाउने कुरा दलहरूको स्वेच्छाचारी र अत्याचारयुक्त कदम : रास्वपा

भदौ २५, २०८१ मंगलबार १५:१:५३ | उज्यालो सहकर्मी

काठमाण्डाै – राष्ट्रिय स्वतन्त्र पार्टी (रास्वपा) ले सत्ता गठबन्धनले लोकतन्त्रलाई समाप्त पार्न खोजेको आरोप लगाएको छ ।

उपसभामुख इन्दिरा रानालाई हटाउने तयारी गरेको सङ्केत पाएपछि आजको संसद् बैठकमा रास्वपाका प्रमुख सचेतक सन्तोष परियारले उपसभामुखलाई हटाउने कुरा दलहरूको स्वेच्छाचारी र अत्याचारयुक्त कदम हुने भन्दै यसले दलहरू मात्रै नभई नेपाली लोकतन्त्रलाई नै क्षति हुने बताउनुभएको हो ।

संवैधानिक परिषद्मा आफ्नो बहुमत पुग्दैन भन्ने नाममा राजनीतिक दलहरू उपसभामुखलाई हटाउने सल्लाह गर्दै हिँडेको कुराले लोकतन्त्रलाई नै गिज्याएको भन्दै परियारले रास्वपाले एउटा सम्मानित पद गुमाउला तर लोकतन्त्रका लागि लड्ने बताउनुभयो ।

यस्तै नेकपा माओवादी केन्द्रले पनि उपसभामुख रानालाई हटाउने तयारीको विरोध गरेको छ । माओवादीका प्रमुख सचेतक हितराज पाण्डेले उपसभामुख रानालाई हटाउन खोजे माओवादीले प्रतिवाद गर्ने बताउनुभएको छ । यस्तै माओवादी केन्द्रकै सांसद हितबहादुर तामाङले पनि उपसभामुखलाई हटाउने कुरा स्वीकार्य नहुने बताउनुभएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

उपसभामुखलाई हटाउने कुरा दलहरूको स्वेच्छाचारी र अत्याचारयुक्त कदम : रास्वपा

फाइल फाेटाे

तपाईको प्रतिक्रिया