प्रधानमन्त्री ओलीसँग लामिछानेको भेट, उपसभामुखको विषयमा छलफल

भदौ २६, २०८१ बुधबार ६:२२:३३ | उज्यालो सहकर्मी

काठमाण्डौ – कांग्रेस र एमालेले उपसभामुख इन्दिरा रानामगरलाई हटाउन लागेको चर्चासँगै राष्ट्रिय स्वतन्त्र पार्टी (रास्वपा) का सभापति रवि लामिछानेले प्रधानमन्त्री केपी शर्मा ओलीलाई भेट्नुभएको छ । हिजो बेलुकी बालुवाटारमा भएको भेटमा लामिछानेले प्रधानमन्त्री ओलीसँग उपसभामुख रानामगरलाई हटाउने विषयमा जानकारी लिनुभएको हो ।

पोखरामा पार्टीको कार्यक्रम सकेर काठमाण्डौ फर्केलगत्तै प्रधानमन्त्री ओलीलाई भेट्न लामिछाने बालुवाटार पुग्नुभएको हो । लामिछानेले सत्तारुढ दलका सांसदबाट उपसभामुखलाई राजीनामा दिन दबाब दिएकोबारे प्रधानमन्त्रीको धारणा बुझ्न खोज्नुभएको थियो । प्रधानमन्त्री ओलीले भने संसद्मा उठेको विषय त्यहीँ निराकरण हुने जवाफ दिनुभएको छ ।

हिजोको प्रतिनिधिसभा बैठकमा सत्तारुढ दलका सांसदले उपसभामुख रानामगरले पदको दुरुपयोग गरेको भन्दै राजीनामा दिन माग गरेका थिए भने प्रतिपक्षी माओवादी र रास्वपाका सांसदहरुले उपसभामुखलाई हटाउन खोजेर सत्तारुढ दलहरुले लोकतन्त्र मार्न खोजेको आरोप लगाएका थिए ।

उपसभामुख रानामगरले गएको वर्ष अमेरिकामा हुने एक कार्यक्रममा सहभागी गराउन आफ्नो लेटरप्याडमा केही व्यक्तिलाई सिफारिससहित दूतावासलाई लेखेको पत्र विवादमा परेको थियो । पत्र गएको साउन पहिलो हप्ता सार्वजनिक भएलगत्तै त्यसैबेला पनि संसदमा यो विषय उठेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्