काेशीका मन्त्रीसँगै जापान गएका ३ जनाको साथबाट नक्कली कागजात बरामद, ६ जना पक्राउ

कात्तिक २१, २०८१ बुधबार १८:२३:२६ | उज्यालो सहकर्मी

काठमाण्डाै – कोशी प्रदेशका आन्तरिक मामिला तथा कानूनमन्त्री लीलावल्लभ अधिकारीसँगै जापान गएका तीन जनासहित ६ जनालाई प्रहरीले पक्राउ गरेर अनुसन्धान थालेको छ ।

कात्तिक १४ गते मन्त्री र अरू तीन जनालाई जापानको अध्यागमन कार्यालयले डिपोर्ट गरेको थियो । मन्त्री अधिकारीले भने आफ्नो साथमा रहेकाहरूसँग नक्कली कागजात भएको थाहा पाएपछि आफू पनि फर्किएको दाबी गर्नुभएको छ ।

मन्त्रीसँगै जापान जानेहरूमा खोटाङका दावा शेर्पा र जनक राई तथा रसुवाका कञ्चन देवकोटा छन् । प्रहरीले दावा शेर्पाको साथबाट खोटाङको ऐँसेलुखर्क गाउँपालिका वडा नम्बर–२ को वडा सदस्यको परिचयपत्र तथा कञ्चन देवकोटा र जनक राईको साथबाट कोशी प्रदेशको आन्तरिक मामिला तथा कानून मन्त्रालयको ‘सहायक’ को परिचयपत्र बरामद गरेको छ ।

जापानबाट डिपोर्ट भएर आएकाहरूको बयानका आधारमा उपत्यका अपराध अनुसन्धान कार्यालयले अरू तीन जनालाई पक्राउ गरेको छ । उनीहरूले मन्त्रीसहित अरू व्यक्तिलाई सांस्कृतिक कार्यक्रमका लागि भन्दै जापान लैजान लागेको खुलेको र थप अनुसन्धान भइरहेको प्रहरीले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्