चीनको प्रयोगशालाबाट कोभिड–१९ फैलिएको हुन सक्ने : अमेरिकी गुप्तचर निकाय

माघ १३, २०८१ आइतबार १८:४२:५२ | एजेन्सी

अमेरिकाको गुप्तचर निकाय सीआईए कोभिड–१९ भाइरस जनावरबाट भन्दा पनि चीनको प्रयोगशालाबाट उत्पन्न भएको हुन सक्ने ‘सम्भावना धेरै’ रहेको जनाएको छ । सीआईएले कोभिड–१९ को उत्पत्तिबारे आफ्नो विगतको मूल्याङ्कनलाई परिवर्तन गर्दै चिनियाँ प्रयोगशालाबाट उत्पन्न भएको हुन सक्ने बताएको बीबीसीले जनाएको छ ।

यद्यपि गुप्तचर निकायले आफ्नो मूल्याङ्कनप्रति ‘कम आत्मविश्वास’ रहेको भन्दै सावधानीपूर्वक प्रतिक्रिया दिएको छ । सीआईएका प्रवक्ताले उपलब्ध रिपोर्टहरूका आधारमा महामारी प्राकृतिक फैलावटमार्फत भन्दा ‘अनुसन्धानका क्रममा’ फैलिएको सम्भावना बढी रहेको बताएका खबरमा उल्लेख छ ।

तर चीनले पहिलेदेखि नै यस्तो दाबीको विरोध गर्दै आएको छ । यसअघि चीनले आफूमाथि यस्तो आरोप लाग्दा कोरोना भाइरस प्रयोगशालाबाट नआएको बताएको थियो । चीनले अमेरिकी सरकार र पश्चिमी मिडियाले कोरोनाको स्रोतबारे अफवाह फैलाइरहेको बताएको थियो ।

अमेरिकी राष्ट्रपति डोनाल्ड ट्रम्पद्वारा नियुक्त गरिएका सीआईएका नयाँ निर्देशक जोन र्याटक्लिफले पहिलो निर्णयमध्ये कोभिडको उत्पत्तिबारे नयाँ मूल्याङ्कन सार्वजनिक गर्नुभएको हो । ट्रम्पको

पहिलो कार्यकालमा राष्ट्रिय गुप्तचर निकायको निर्देशकका रूपमा काम गर्नुभएका र्याटक्लिफले लामो समयदेखि प्रयोगशालामा चुहावट भएको भाइरसका कारण कोभिड–१९ महामारी फैलिएको भन्ने सिद्धान्तमा विश्वास गर्दै आउनुभएको छ । उहाँले सम्भवतः वुहान इन्स्टिच्युट अफ भाइरोलोजीको प्रयोगशालाबाट चुहावट भएको भाइरसका कारण कोभिड–१९ शुरू भएको हुन सक्ने दाबी गर्दै आउनुभएको छ । कोरोना भाइरस पहिलो पटक यो प्रयोगशाला नजिकैको हुअनान बजारमा फेला परेको थियो ।

कोभिड–१९ महामारी कसरी फैलियो भन्नेबारे सबै एकमत देखिएका छैनन् । कोरोना भाइरसलाई लिएर विश्व स्वास्थ्य सङ्गठन (डब्ल्यूएचओ) ले १ सय २० पृष्ठको प्रतिवेदनमा प्रयोगशालाबाट मानिसमा भाइरस सर्ने सम्भावना कम हुने बताएको थियो ।

अन्तिम अपडेट: बैशाख ६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनको प्रयोगशालाबाट कोभिड–१९ फैलिएको हुन सक्ने : अमेरिकी गुप्तचर निकाय

गेटी इमेजेज

तपाईको प्रतिक्रिया