हमास सत्ताबाट हट्नुपर्ने माग गर्दै गाजामा युद्ध शुरू भएयताकै ठूलो प्रदर्शन

चैत १३, २०८१ बुधबार १५:११:३१ | एजेन्सी

गाजामा शासन गरिरहेको प्यालेस्टिनी विद्रोही समूह हमासविरुद्ध गाजामै ठूलो प्रदर्शन भएको छ । हमास सत्ताबाट हट्नुपर्ने माग गर्दै उत्तरी गाजाको बेत लाहियाको सडकमा सयौं मानिसहरूले प्रदर्शन गरेका बीबीसीले जनाएको छ ।

यसअघि पनि हमासविरुद्ध प्रदर्शन हुने गरेकोमा यो इजरायल–गाजा बीचको पछिल्लो युद्ध शुरू भएयताकै ठूलो प्रदर्शन रहेको बीबीसीको खबरमा उल्लेख छ ।

यसैबीच मुखौटा लगाएका हमास लडाकूहरूले प्रदर्शनकारीहरूलाई तितरबितर पार्ने प्रयास गरेका छन् । केही लडाकूहरूको हातमा हतियार पनि रहेको र उनीहरूले प्रदर्शनकारीहरूलाई कुटपिटसमेत गरेका बीबीसीले जनाएको छ । हमास समर्थकहरूले भने प्रदर्शनकारीहरू देशद्रोही रहेका आरोप लगाएका छन् । हमासले प्रदर्शनबारे आधिकारिक प्रतिक्रिया दिएको छैन ।

झन्डै दुई महिनाको युद्धविरामपछि इजरायलले गाजामा आफ्नो सैन्य अभियान पुनः शुरू गरेको छ । युद्धविराम बढाउने नयाँ अमेरिकी प्रस्तावलाई हमासले अस्वीकार गरेको इजरायलको आरोप छ । हमासले भने इजरायललाई जनवरीमा सहमत भएको मूल सम्झौता त्यागेको आरोप लगाएको छ । मार्च १८ मा हवाई आक्रमणसहित इजरायली सैन्य कारबाही पुनः शुरू भएदेखि सयौं प्यालेस्टिनीहरू मारिएका छन् भने हजारौं विस्थापित भएका छन् ।

हमासले सन् २०२३ अक्टोबर ७ मा इजरायमा आक्रमण गर्दा एक हजार दुई सय जनाको ज्यान गएको थियो भने दुई सय ५१ जनालाई बन्धक बनाएको थियो । यो आक्रमणपछि इजरायलले गाजामा शुरू गरेको कारबाहीमा अहिलेसम्म ५० हजार जनाभन्दा धेरै प्यालेस्टिनीको ज्यान गएको हमासद्वारा सञ्चालित स्वास्थ्य मन्त्रालयले जनाएको छ ।

अन्तिम अपडेट: चैत १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हमास सत्ताबाट हट्नुपर्ने माग गर्दै गाजामा युद्ध शुरू भएयताकै ठूलो प्रदर्शन

तस्वीर : एएफपी

तपाईको प्रतिक्रिया