सिराहाको औरहीका दीपक मल्लिकको घर प्रदेश सरकारले बनाइदिने

चैत १६, २०८१ शनिबार १२:३५:२३ | रासस

सिराहा – सिराहाको औरही गाउँपालिका–५ मा महायज्ञका नाममा विस्थापित दीपक मल्लिकको घर प्रदेश सरकारले बनाइदिने भएको छ ।

मदन भण्डारी आवास कार्यक्रममार्फत मधेश सरकारको पाँच लाख ६० हजार लागतमा घरमा निर्माण हुने भएको हो । घरमा दुई कोठा, भान्सा र शौचालय हुनेछ । एक हप्ताभित्रै घर निर्माण कार्य शुरू हुने मुख्यमन्त्री सतिशकुमार सिंहले जानकारी दिनुभएको छ ।

भोलि चैत १७ देखि आयोजना हुने भनिएको महायज्ञका नाममा गएको फागुन १० गते दलित भन्दै महायज्ञस्थलमा रहेको दीपक मल्लिकको घर भत्काइएको थियो ।

गाउँपालिका अध्यक्ष शिवजी यादव, पूर्ववडाध्यक्ष दीपक यादव र बजरङ्गी बाबाले डोजर लगाएर घर भत्काइदिएको घटना सार्वजनिक भएको थियो ।

घटनापछि पक्राउ परेका औरही गाउँपालिकाका अध्यक्ष शिवजी यादव र पूर्व वडाध्यक्ष दिलीपकुमार यादव हिजो धरौटीमा रिहा भएका छन् । जिल्ला अदालत सिराहाका न्यायाधीश विदुर काफ्लेको इजालसले जनही एक लाख रुपैयाँ धरौटीमा थुनामुक्त गर्न आदेश दिएको हो ।

दलित परिवारको घरमा डोजर चलाउन निर्देशन दिने महायज्ञका मूल पुजारी बजरङ्गी बाबा भने फरार छन् ।

अन्तिम अपडेट: चैत १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्