सबरीमला मन्दिर प्रवेश गर्ने महिलामाथि आक्रमण

माघ १, २०७५ मंगलबार १४:४८:१२ | एजेन्सी

गएको जनवरी २ मा ५० वर्षभन्दा कम उमेरका दुई महिला केरलमा रहेको सबरीमला मन्दिरमा प्रवेश गरेका थिए । ती दुई महिलामध्ये एक जना कनकदुर्गामाथि आक्रमण भएको छ ।

उनी अहिले केरलको एउटा सरकारी अस्पतालमा उपचाररत रहेको बीबीसीले जनाएको छ । सबरीमला मन्दिरबाट दर्शन गरेर फर्कँदै गर्दा उनीमाथि आज बिहान आफ्नै सासूले आक्रमण गरेकी हुन् ।

कनकदुर्गा सँगै मन्दिर प्रवेश गर्ने बिन्दु अम्मिनी भन्छिन्, ‘उनकी सासूले कनकदुर्गाको शिरमै हानेकी थिइन् । मन्दिरमा दर्शन गरेर घर फर्कँदै गर्दा उनीमाथि आक्रमण भएको हो ।’

पेरिनथलमन्नाका ४० वर्षीय बिन्दु र कन्नुरकी ३९ वर्षीया कनकदुर्गा जनवरी २ मा मन्दिर प्रवेश गरेका थिए । प्रदर्शनकारीहरुबाट बचाउँदै यी दुई जना प्रहरीको सुरक्षा घेरामा नै मन्दिर प्रवेश गरेका थिए ।

सेप्टेम्बर २८ मा भारतीय सर्वोच्च अदालतले १० वर्षदेखि ५० वर्षसम्मका महिलालाई स्वामि अयप्पाको मन्दिरमा जाने अनुमति दिएको थियो । तर स्वामि अयप्पा ब्रम्हचारी भएको भन्दै महिनावारी हुने उमेर समूहका महिलालाई मन्दिरमा प्रवेश गर्न नदिने परम्परा रहेको थियो । यी दुई महिलाले त्यो परम्परा तोडेका थिए ।

कनकदुर्गा नायर समुदायकी महिला हुन् । उनी आज बिहान साढे सात बजे नै घर फर्किएकी थिइन् । बिन्दुसँगै उनी पनि थुप्रै पटक असुरक्षाका कारण ठाउँ परिवर्तन गर्दै आएकी छिन् ।

केरलको सबरीमला मन्दिरमा दुईजना महिला प्रवेश गरे, शुद्धिकरणका लागि भन्दै मन्दिर बन्द गरियो

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्