कर्णाली प्रिमियर लिग : भेरीगङ्गा ८ विकेटले पराजित

जेठ ४, २०७५ शुक्रबार १२:१६:१० | मुना हमाल

सुर्खेत, जेठ ४ – सुर्खेतको वीरेन्द्रनगरमा भैरहेकाे कर्णाली प्रिमियर लिगमा रुपेन्देही– ११ ले भेरीगङ्गा स्पोट्र्स क्लबलाई ८ विकेटले हराएको छ ।

वीरेन्द्रनगर रंगशालामा भएको खेलमा टस जितेर ब्याटिङ गरेको भेरीगङ्गाले निर्धारित १८.६ ओभरमा सबै विकेट गुमाएर ६८ रन बनायो । रुपन्देहीका बलर सन्दीप सुनार र बशिर अहमदले समान ३/३ विकेट र विक्रम भुसालले २ विकेट लिए । भेरीगंगाको लागि सौगात कार्कीले सर्वाधिक २० रन बनाए भने समिर चन्दले ९, तिलक थापाले ६, मानसिंह विकले ४ रन प्रेम विकले १३ र रोहित विकले ४ रन बनाए ।

६९ रनको लक्ष्य पछ्याएको रुपन्देहीले ५.२ ओभरमा मात्र २ विकेट गुमाएर पूरा गरेको थियो । सन्दीप सुनारल ३१ रन बनाउन ११ बलमा ३ चौका र ३ छक्का प्रहार गरे । सौरभ खनालले ७ बलमा २४ रन बनाउन ३ चौका र २ छक्का प्रहार गरे । खेलको म्यान अफ दी म्याच रुपन्देहीका सन्दीप सुनार भए ।

हिजो भएको खेलमा टिकापुर क्रिकेट क्लबले भेरीगङ्गालाई १ सय ९ रनले हराएको थियो । विहीबारदेखि सूरु भएको कर्णाली प्रिमियर लिगमा १० टिमको सहभागिता रहेको छ । बन्धुविकास बहुउद्देश्यीय सहकारी संस्था सुर्खेतको आयोजना भएको प्रतियोगिता जेठ १२ गतेसम्म हुनेछ ।

कर्णाली प्रदेशमै पहिलो पटक सर्वाधिक पुरस्कार राशिको प्रतियोगिताको विजेताले ३ लाख, उपविजेताले १ लाख ५० हजार रुपैयाँ नगद पुरस्कारसहित ट्रफी पाउनेछन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कर्णाली प्रिमियर लिग : भेरीगङ्गा ८ विकेटले पराजित

kpl

तपाईको प्रतिक्रिया