आफ्नो कुवाको पानी खाएको भन्दै दलितद्वारा दलितमाथि नै हातपात

जेठ २४, २०७६ शुक्रबार १७:१३:१७ | जयराज अवस्थी

बैतडी – आफ्नो कुवाको पानी खाएको निहुँमा बैतडीको दोगडाकेदार गाउँपालिका वडा नम्बर–८, सैनीमा स्थानीय तुलसी सार्कीमाथि कुटपिट भएको छ । तुलसीमाथि स्थानीय सीता पार्कीले कुटपिट गरेकी हुन् ।

खेतमा काम गर्दै गरेको बेला तुलसीका छोरा नवीन सार्कीले नजिकै रहेको कुवाबाट पानी लिएकै कारण कुटपिट गरेको तुलसीका देवर शंकर सार्कीले बताउनुभयो । दलितभित्र तल्लो जाति भनेर विभेद गर्ने गरेकै कारण कुटपिट भएको उहाँले बताउनुभयो । बिहीबार दिउँसो घटना भएको भए पनि शुक्रबार खोचलेक प्रहरी चौकीमा उजुरी परेपछि घटना सार्वजनिक भएको हो ।

खोचलेक प्रहरीले भने कुटपिट भएको भन्ने निवेदन आएको तर जातीय विभेदको कुरा भने निवेदनमा उल्लेख नभएको जानकारी गराएको छ ।

घाइते तुलसीको पाखुरा र आँखाको नजिक घाउ रहेको तुलसीका देवर शंकरले जानकारी दिनुभयो । उहाँलाई उपचारका लागि धनगढी लैजाने सहमति भएको छ । पहिला उपचार गरेर त्यसपछि मात्र मिलापत्र गर्ने सहमति भएको शंकर सार्कीले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्