फाप्लु विमानस्थल निर्माणका ठेकेदारलाई ७ दिनभित्र लिखित जवाफसहित उपस्थित हुन आदेश

साउन २, २०७६ बिहीबार १७:४६:७ | सुवास दर्नाल

सोलुखुम्बु – सोलुखुम्बुको फाप्लु विमानस्थलको पार्किङ निर्माणमा ठेकेदार कम्पनीको लापर्वाही देखिएपछि जिल्ला प्रशासन कार्यालय सोलुखुम्बुले ७ दिन भित्र लिखित जवाफसहित उपस्थित हुन आदेश दिएको छ ।

‘फाप्लु विमानस्थल पहिरोको जोखिममा’ र ‘बनाएर नसक्दै भत्कियो फाप्लु विमानस्थलको पार्किङ’ शीर्षकको समाचार उज्यालो रेडियो नेटवर्क तथा उज्यालो अनलाइनमा असार ३० गते प्रकाशित भएपछि प्रशासनले निरीक्षण पश्चात यस्तो आदेश दिएको हो ।

जिल्ला प्रशासन कार्यालय सोलुखुम्बुले नागरिक उड्डयन प्राधिकरण जिल्ला कार्यालय फाप्लुलाई परिपत्र गर्दै साउन १ गतेको मितिले ७ दिनभित्र सम्बन्धित ठेकेदारलाई लिखित जवाफसहित जिल्ला प्रशासन कार्यलयमा उपस्थित हुन आदेश दिएको हो ।

पत्रमा लेखिएको छ,

‘यही असार ३० गते उज्यालो रेडियो नेटवर्कमा फाप्लु विमानस्थल पहिरोको जोखिममा शीर्षकको समाचार सम्बन्धमा प्रमुख जिल्ला अधिकारीसहितको टोलीले विमान स्थलको स्थलगत निरीक्षण गर्दा प्रकाशित समाचारबमोजिम नै विमानस्थलको माथिल्लो भागमा पहिरो जान थालेको, विमान स्थलको घेराबार पहिरोको जोखिममा रहेको साथै केही समयअघि मात्रै निर्माण सम्पन्न विमानस्थलको माथिल्लो भागको घेराबार समेत भासिएको देखिन आएको छ ।

सो सम्बन्धमा स्थलगत निरीक्षणबाट विमान स्थलका अन्य जोखिमयुक्त क्षेत्रहरु साथै हालसाथै सम्पन्न भएको घेराबार समेत के कारणले त्यस्तो त्रुटि देखिन गएको हो ? सो सम्बन्धमा सम्बन्धित निर्माण कम्पनी एवं ठेकेदारलाई ७ दिनभित्र लिखित जवाफसहित उपस्थित गराइदिन हुन आदेशानुसार अनुरोध छ ।’

साथै पत्रको बोधार्थमा गृह मन्त्रालयअन्तर्गतको नीति, योजना, अनुगमन तथा मूल्याकंन महाशाखालाई समेत राखिएको छ ।

सम्बन्धित समाचार

फाप्लु विमानस्थल पहिरोको जोखिममा

समाचार प्रभाव : फाप्लु विमानस्थलको निरीक्षण, ठेकेदारले लापर्वाही गरेको निष्कर्ष

बनाएर नसक्दै भत्कियो फाप्लु विमानस्थलको पार्किङ

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्