सरकारी गाडीको दुरुपयोग हुन नदिन जीपीएस ट्र्याकिङ

असार २५, २०७५ सोमबार ११:५७:० | उज्यालो सहकर्मी

दाङ – तुलसीपुर उप–महानगरपालिकाका गाडीहरुमा जीपीएस ट्रयाकिङ एप्लिकेशन सिस्टम जडान भएको छ । पछिल्लो समयमा सरकारी गाडीको दुरुपयोग बढिरहेका बेला तुलसीपुर उपमहानगरपालिकाले पहिलो पटक नगरको स्वामित्वमा रहेका १५ वटा गाडीमा यो सिस्टम जडान गरेको हो ।

जीपीएस ट्र्याकिङ एप्लिकेशनको सहयोगले यी गाडीहरुको गति, अवस्था र कार्यको बारेमा प्रत्यक्ष हेर्न मिल्ने भएकाले सरकारी गाडीहरुको दुरुपयोग नहुने उप – महानगरपालिकाले जनाएको छ ।

यी गाडीहरुमा जीपीएस ट्रयाकिङ एप्लिकेशन सिस्टम जडान गर्ने कम्पनी उपसर्ग टेक्नोलोजीका निर्देशक युवराज आचार्यका अनुसार कुन गाडी कहाँ र कस्तो अवस्थामा रहेको छ भन्नेकुरा अनलाइनबाट हेर्न सकिन्छ।

उपमहानगरपालिकाका अनुसार नगरप्रमुखदेखि कार्यालय सहयोगीसम्मले प्रयोग गर्ने सबै गाडीमा जीपीएस ट्रयाकिङ एप्लिकेशन सिस्टम जडान गरिएको छ । कार्यालयमा रहेका टेक्टरदेखि एक्साभेटरसम्म गरी १५ वटा गाडीमा जीपीएस ट्र्याकिङ एप्लिकेसन सिस्टम जडान गरिएको उपमहानगरका सूचना अधिकारी झरेन्द्र खरेलले जानकारी दिनुभयो ।

आइटी विभाग र स्टोरले यसको नियमन गर्नेछ । जिल्लामा यसअघि कुनै पनि कार्यालयका सवारी साधनहरुमा यो प्रविधिको प्रयोग गरिएको थिएन । यसको प्रयोगले सरकारी सवारी साधनहरुको दुरुपयोग घट्ने विश्वास उपमहानगरपालिकाको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्