बागलुङ बडिगाडको कृत्रिम तुरतुरे ताल फुट्यो

साउन २०, २०७६ सोमबार ९:४५:४४ | जनार्दन घिमिरे

गुल्मी – बागलुङको बडिगाड गाउँपालिका र ढोरपाटन नगरपालिकाको सीमानामा रहेको कृत्रिम तुरतुरे ताल फुटेको छ । आइतबार राति साढे २ बजे तिर तालको केही भाग फुटेपछि तटीय क्षेत्रका बासिन्दा यतिबेला त्रसित बनेका छन् ।

सोमबार बिहान ७ बजे सम्म तालको झण्डै ६० प्रतिशत भाग फुटेको स्थानीयहरुले बताएका छन् । ताल नजिकै बडिगाडखोलाले मध्यपहाडि लोकमार्गको झण्डै १ सय ५० मिटर सडकसमेत बगाएको छ । सडक बगाएपछि बिहानैदेखि बागलुङ – बुर्तिवाङ सडकसमेत पूर्ण रुपमा अवरुद्ध भएको छ ।

गएको वर्ष बडिगाड गाउँपालिका ७ अन्तर्गत तुरतुरे भन्ने स्थानमा ठूलो पहिरो जाँदा पहिरोले वडिगाडखोला थुनेपछि त्यहाँ ठूलो ताल बनेको थियो । तटीय क्षेत्रमा रहेका बडिगाड गाउँपालिका अन्र्तगत पर्ने खाल बजार, खार बजार र खर्वाङ बजार क्षेत्र उच्च जोखिममा रहेका छन् ।

त्यसैगरि गुल्मीको मुसिकोट नगरपालिका, चन्द्रकोट गाउँपालिका, सत्यवती गाउँपालिका र रुरु गाउँपालिका अन्र्तगत रहेका तटीय क्षेत्रहरुमा समेत उच्च सतर्कता अपनाइएको छ ।

तटीय क्षेत्रका वामी, इन्द्रेगौँडा, चोरकाटे, मजुवा, रुद्रवेणी र रिडीमा गरी ६ ठाउँमा पूर्व सूचना प्रणाली जडान गरिएको र त्यसैको माध्यमबाट त्यस क्षेत्रका बासिन्दालाई उच्च सतर्कता अपनाउन आग्रह गरिएको गुल्मीका प्रमुख जिल्ला अधिकारी यदुनाथ पौडेलले बताउनुभयो ।

यसैगरी, तटीय क्षेत्रमा उच्च सर्तकताको लागि समन्वय गरिरहेको बागलुङका प्रमुख जिल्ला अधिकारी लुकबहादुर क्षेत्रीले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्