विप्लव नेतृत्व वार्तामा आए सरकारले रातो कार्पेट ओछ्याउँछ : परराष्ट्रमन्त्री ज्ञवाली

साउन ३२, २०७६ शनिबार १२:२९:४४ | जनार्दन घिमिरे

गुल्मी – नेपाल सरकारका परराष्ट्रमन्त्री प्रदीपकुमार ज्ञवालीले प्रतिबन्धित विप्लव नेतृत्वको नेकपालाई आत्मघाती बाटो छोडेर शान्तिपूर्ण बाटोमा आउन आग्रह गर्नुभएको छ ।

सरकारी सम्पत्ति र विदेशी लगानीमाथिको आक्रमण सरकारलाई कदापि स्वीकार्य नभएको भन्दै मन्त्री ज्ञवालीले अब नेपालमा हिंसा कसैका लागि पनि स्वीकार्य नभएको बताउनु भयो ।

गुल्मीको सत्यवती गाउँपालिकामा गएको पहिरोबाट विस्थापित बनेकाहरुलाई तेस्रो पटक राहत बाँड्न शनिबार गुल्मी पुग्नुभएका मन्त्री ज्ञवालीले नेपाल पत्रकार महासंघ गुल्मीले सदरमुकाम तम्घासमा आयोजना गरेको कार्यक्रममा यस्तो बताउनु भएको हो ।

उहाँले वार्ताको बहाना बनाएर आफ्ना कार्यकर्ताहरुलाई छुटाउने र शक्ति सञ्चय गर्ने माध्यमको रुपमा वार्तालाई प्रयोग गरिएमा त्यो सरकारलाई स्वीकार्य नहुँने समेत स्पष्ट पार्नुभयो । इमान्दारीपूर्वक वार्तामा आउने हो भने विप्लव नेतृत्वलाई रातो कार्पेट ओछ्याएर वार्ताका लागि सधैँभरि ढोका खुला रहेको उहाँले बताउनु भयो ।

‘हिंसाको सुरुवात गरेर गणतन्त्र र लोकतन्त्रलाई उल्टाएर के व्यवस्था ल्याउन खोजिएको हो?’ मन्त्री ज्ञवालीले विप्लव नेतृत्वलाई प्रश्न गर्नुभयो । जनताको वर्षौँदेखिको समृद्धिको सपना यही सरकाले पूरा गर्ने बताउँदै उहाँले विकास आयोजनाहरुमा दीर्घकालीन र दिगो विकास कसरी गर्न सकिन्छ भन्ने विषयमा छलफल गर्न सरकारको ध्यान केन्द्रित हुने बताउनु भयो ।

मन्त्री ज्ञवालीले पालिका र कार्यालयहरुको आर्थिक वर्ष २०७५/०७६ को वार्षिक प्रगति, विकास निर्माण र वस्तुस्थितिको बारेमा पनि जानकारी लिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्