म्याग्दीको भेडीगोठमा चट्याङ पर्दा ७० ओटा भेडा मरे

साउन ३२, २०७६ शनिबार १९:१९:२० | प्रताप बानियाँ

म्याग्दी – शुक्रबार राति म्याग्दीको एक भेडीगोठमा चट्याङ पर्दा ७० ओटा भेडा मरेका छन् ।

उत्तरी म्याग्दीको अन्नपूर्ण गाउँपालिका वडा नम्बर-५, पाउद्वारको खयरलेक क्षेत्रमा रहेको भेडीगोठमा चट्याङ पर्दा ७० ओटा भेडा मरेका जिल्ला प्रहरी कार्यालय म्याग्दीले जनाएको छ ।

प्रहरीका अनुसार चट्याङबाट स्थानीय राजेश तिलिजा, मिनबहादुर गुरुङ, दिलबहादुर शेरपुञ्जा, लालविर तिलिजा, तिलविर तिलिजा, यमबहादुर तिलिजा र कमल तिलिजाको संयुक्त लगानीमा रहेको भेडीगोठका ७० ओटा भेडा मरेका हुन् ।

चट्याङ लागेर घाइते भएका भेडाहरूको सङ्ख्या पनि धेरै हुन सक्ने अनुमान गरिएको छ । म्याग्दीमा भेडापालनको पकेट क्षेत्र मानिने खयर क्षेत्रमा स्थानीय युवाले एकल तथा सामूहिक लगानीमा भेडापालन गरेका छन् । एउटा भेडाको मूल्य न्यूनतम पाँच हजारदेखि २२ हजारसम्म पर्ने भेडापालक किसानहरु बताउँछन् ।

वर्षौंदेखि भेडापालन गरिरहेका पाउद्वारका भेडापालक किसानले जनैपूर्णिमा मेला, बडादशैँ, तिहारलगायत अन्य चाडपर्वमा सबैभन्दा बढी भेडा बिक्री गर्दै आइरहेका छन् ।

म्याग्दीको अन्नपूर्ण गाउँपालिकाको खोप्रालेक तथा खयरबराह क्षेत्र, रघुगंगा गाउँपालिका, बेनी नगरपालिकाको गाजने, डडुवासहित उच्च हिमाली क्षेत्रमा व्यावसायिक रुपमा भेडापालन गर्ने गरिएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्