म्याग्दीमा जीप दुर्घटना हुँदा चालकसहित चारजना घाइते

भदौ १७, २०७६ मंगलबार १८:१:३८ | प्रताप बानियाँ

म्याग्दी – रघुगंगा गाउँपालिका–३, मौवाफाँटमा मंगलबार जीप दुर्घटना हुँदा चालकसहित ४ जना घाइते भएका छन् ।

रघुगंगा हाइड्रो लिमिटेडद्वारा निर्माणाधीन ४० मेगावाट क्षमताको राहुघाट जलविद्युत आयोजनाको मौवाफाँटदेखि पिप्लेतर्फ जाँदै गरेको ग ३ च २२७ नम्बरको जीप दुर्घटनामा परेको जिल्ला प्रहरी कार्यालय म्याग्दीले जनाएको छ ।

दुर्घटनामा परेर जीपका चालक मंगला गाउँपालिका–५, अर्मन म्याग्दीका २४ वर्षीय ओमबहादुर पुन, आयोजनाका इन्जिनियर काठमाण्डाै महानगरपालिका–२४ का ३० वर्षीय शैलेश शाक्य, रामेछाप सुनापती–४, बेथानका २४ वर्षीय डिसम घिसिङ र रुपन्देही बुटवलका ४७ वर्षीय बुद्धिसागर न्यौपाने घाइते भएको म्याग्दीका प्रहरी नायब उपरीक्षक महेन्द्रप्रसाद मरासिनीले जानकारी दिनुभयो ।

घाइतेहरुको बेनी अस्पताल म्याग्दीमा प्राथमिक उपचारपश्चात् तीनजना चालक पुन, इन्जिनियर शाक्य र न्यौपानेलाई एअर डाइनेष्टीको हेलिकप्टरमार्फत काठमाण्डौको मेडिसिटी अस्पताल पुर्‍याइएको छ ।

यसैगरी घाइते सिभिल इन्जिनियर डिसम घिसिङ भने बेनी अस्पतालमा उपचार गरी डिस्चार्ज भएको अस्पतालका सूचना अधिकारी प्रकाश शर्माले जानकारी दिनुभयो ।

जीप सडकबाट १ सय मिटर तल खसेको प्रहरीले जनाएको छ । जीप दुर्घटनामा परेपछि घाइतेको स्थानीयवासी, जनप्रतिनिधि र प्रहरीले उद्धार गरेका थिए । दुर्घटनाका विषयमा भने अनुसन्धान भैरहेको प्रहरीको भनाइ छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्