मकवानपुरको भिमफेदीमा जीप दुर्घटना: तीन जनाकाे ज्यान गयाे

भदौ २०, २०७६ शुक्रबार १७:३५:५९ | हरि हुमागाईं

हेटौँडा - मकवानपुरको भीमफेदी गाउँपालिका वडा नम्बर-६, चिसापानीमा जीप दुर्घटना हुँदा तीन जनाकाे ज्यान गएकाे छ भने ८ जना घाइते भएका छन् ।

दुर्घटनामा ज्यान गुमाउनेमा महोतरी जिल्ला, माईस्थान गाउँपालिका वडा नम्बर-६ बस्ने ७० वर्षीय बिरसिंंह वाइबा, सर्लाहीकाे वरहथवा नगरपालिका वडा नम्बर-३ बस्ने ६० वर्षीय महेन्द्र सहनी र सर्लाहीका एक दश महिने शिशु समरागी माझी रहेकाे जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले जानकारी दिनुभयो ।

दुर्घटनामा एक जनाको घटनास्थलमै र अन्य दुई जनाको अस्पतालमा ज्यान गएको थियाे ।

हेटौँडा –काठमाण्डौ छोटो दुरीको मार्ग अन्तरगत सर्लाहीबाट काठमाण्डौ जाँदै गरेको सर्लाही सुमो सेवाको ना १ ज ३६४० नम्बरको जीप भीमफेदीमा दुर्घटना भएको थियो ।

जीप बाटाेबाट ५० मिटर तल खसेर दुर्घटना भएको प्रत्यक्षदर्शीहरुले बताएका छन्। घाइतेहरुको हेटौँडा अस्पताल र चुरेहिल अस्पतालमा उपचार भइरहेको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्