पत्नी वियोगमा युवकले गरे आत्महत्या

भदौ २४, २०७६ मंगलबार १८:२३:१७ | शिव ढुंगाना

ओखलढुंगा– चिसंखुगढी वडा नम्बर-६, भदौरेमा २१ वर्षीया युवाले मृतक पत्नीका नाममा पत्र लेखेर आत्महत्या गरेका छन् ।

नविन परियार नाम गरेका ती युवककी गएकाे भदौ ४ गते झुण्डिएर आत्महत्या गरेकी आफ्नी पत्नी गंगा परियारको नाममा पत्र लेखेर मृत पत्नीकै सलले घर नजिकैकाे रुखमा झुण्डिएर आत्महत्या गरेको प्रहरीले जनाएको छ ।

एसईईको मौका परीक्षा दिन खोटाङको रावाबेसी गाउँपालिका-२ मा रहेकाे माइती गएको समयमा गंगाले झुण्डिएर आत्महत्या गरेको चिसंखुगढी-६ का वडाध्यक्ष कृष्ण क्याप्छाकी मगरले बताउनुभयो ।

गंगा परीक्षा दिन माइत जाने भएपछि काठमाण्डौमा रहेका नविन घर आएका थिए । घर सल्लाहमै माइत गएकी पत्नीले उतै आत्महत्या गरेपछि विक्षिप्त बनेका नविनले समेत आत्महत्या गरेपछि उनीहरुको परिवार शोकमा डुबेको अध्यक्ष मगरले बताउनुभयो । उनीहरुको ०७६ जेठमा विवाह भएको थियो ।

गंगाले आत्माहत्या गर्नुको कारण नखुले पनि नविनले भने पत्नी वियोगको पीडाले आत्माहत्या गरेको नविनले लेखेको पत्रबाट पुष्टि भएको प्रहरीले जनाएकाे छ । चिठ्ठीमा ‘प्यारी श्रीमती, तिमी मभन्दा अगाडि गयौ, म पनि तिम्रो पछि पछि आउँदैछु, यो कदम मैले कसैको करकापले लिएको हैन’ भनि लेखिएको अध्यक्ष मगरको भनाइ छ ।

पोष्टमार्टमपछि शव परिवारलाई जिम्मा लगाइएको वडाध्यक्ष मगरले जानकारी दिनुभयाे।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्