देवः विकास बैंक रकम ठगी प्रकरण : पक्राउ पूर्जी जारी गरिएका ३५ जना फरार, खाता खोलिदिनेहरु नै प्रहरी हिरासतमा

प्रहरीको अनुसन्धान उल्टो बाटोमा : पीडित

असोज १३, २०७६ सोमबार ८:५४:१४ | हेमराज शर्मा

दाङ – घोराहीमा रहेको देवः विकास बैंकमा भएको झण्डै १८ करोड हिनामिनामा प्रहरीले निर्दोष खातावालहरुले दुःख पाइरहेको पक्राउ परेकाका परिवारहरुले गुनासो गरेका छन् ।

प्रहरी हिरासतमा रहेका व्यक्तिहरुका परिवारले घोराहीमा पत्रकार सम्मेलन गरी बैंकको उच्च तहबाट अनुसन्धान थाल्नु पर्ने भए पनि प्रहरीले खातावाललाई मुद्धा चलाएर अन्याय गरेको गुनासो गरेका हुन् ।

खाता खोलेकै भर र खातामा पैसा हालेकै आधारमा आफ्ना परिवारका सदस्यलाई हिरासतमा राखेर मानसिक पीडा दिएको भन्दै उचित न्यायको उनीहरुले माग गरेका छन् । १७ करोड ९९ लाख ९० हजार रुपैयाँ हिनामिना तत्कालीन शाखा प्रमुख समिर बुढाथोकीले मात्रै गर्न नसक्ने भन्दै बैंकका उच्च तहका कर्मचारी र सञ्चालकहरुलाई अनुसन्धानको दायरामा प्रहरीले ल्याउनु पर्ने उनीहरुको माग छ ।

शाखा प्रमुख बुढाथोकीले जग्गा किन्न लागेको भनि आफूहरु सँग २० लाख रुपैयाँ सापटी लगेको र पैसा छिटो फिर्ता गर्न भनेपछि श्रीमानको खातामा ५ लाख रुपैयाँ फिर्ता गर्दा उल्टै हिनामिनामा संलग्न भएको भनि आरोप लागेको पीडित मतकुमार पौडेलकी श्रीमती भक्ति पौडेलले बताउनुभयो ।

अनुसन्धान प्रकृया निकै ढिला गरेको र पक्राउ पूर्जी जारी भएका व्यक्तिहरुलाई अनुसन्धानको दायरामा ल्याउन नसक्नुले शंकास्पद देखिएको पीडितका परिवारले बताएका छन् ।

पक्राउ पूर्जी जारी भएका करिब ३५ जना व्यक्ति फरार रहेका छन् । बैंकले नै खातावालहरुको खाता प्रयोग गरेर पैसा हिनामिना गरेपछि ५४ जना कानुनी दायरामा परेका छन् । प्रहरीले भने अनुसन्धान भइरहेको जनाएको छ ।

सम्बन्धित समाचार

१८ कराेड रुपैयाँ हिनामिना गरेकाे आराेपमा देवः विकास बैंकका शाखा प्रबन्धक पक्राउ

देवः विकास बैंक १८ करोड हिनामिना प्रकरण : थप १० जना पक्राउ

देवः विकास बैंक नारायणपुर शाखाको रकम हिनामिनाको आरोपमा पक्राउ परेका ३ जना छुटे

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्