प्रहरीको भ्यानमा मोटरसाइकल ठोक्किँदा एक जनाको ज्यान गयो

असोज १५, २०७६ बुधबार ११:५५:१७ | शैलेन्द्र महतो

धनुषा – जनकपुरमा प्रहरीको भ्यानसँग मोटरसाइकल ठोक्किँदा एक जनाको ज्यान गएको छ भने अन्य एक जना घाइते भएका छन् ।

दुर्घटनामा धनुषाको धनौजी गाउँपालिका–२ घर भइ जनकपुर उपमहानगरपालिका–४ आनन्दनगर बस्ने १९ वर्षीय मनिष मण्डलको ज्यान गएको जिल्ला प्रहरी कार्यालय धनुषाले जनाएको छ ।

बुधबार बिहान साढे ८ बजे सरसफाइ कार्यक्रम गरेर फर्किँदै गरेको प्रदेश २ प्रहरी गणको ना १ ग ४७९ नम्बरको प्रहरी भ्यानमा तीव्र गतिमा आउँदै गरेको अनटेस्ट २२० सीसीको पल्सर मोटरसाइकल जनकपुरको रामचोकमा ठोक्किएको प्रहरी उपरीक्षक (एसपी) शेखर खनालले जानकारी दिनुभयो ।

मोटरसाइकल चालक मण्डलको घटनास्थलमै ज्यान गएको प्रहरीले जनाएको छ । त्यस्तै दुर्घटनामा मण्डलका घरबेटी नजुर अन्शारी घाइते हुनुभएको हो । उहाँको जनकपुर अञ्चल अस्पतालमा उपचार भैरहेको जनाएको छ । तीव्र गतिको मोटरसाइकल अनियन्त्रत भएर प्रहरीको भ्यानमा ठोक्किएको स्थानीयले बताएका छन् ।

मृतक मण्डलको शव पोष्टमर्टमको लागि जनकपुर अञ्चल अस्पताल लगिएको छ । यता जिल्ला प्रहरी कार्यालयले प्रहरीको भ्यान चालक प्रहरी जवान सन्तबहादुर थापालाई नियन्त्रणमा लिएर घटना विषयमा अनुसन्धान गरिरहेको एसपी खनालले जानकारी दिनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्