चुहानडाँडामा विमानस्थल बनाउने रवीन्द्र अधिकारीकाे सपना पूरा हुन्छ: मन्त्री भट्टराई

कात्तिक ७, २०७६ बिहीबार १६:५१:५८ | उपेन्द्र येक्तेन

पाँचथर - संस्कृति, पर्यटन तथा नागरिक उड्डयन मन्त्री योगेशकुमार भट्टराइले तेह्रथुमको चुहानडाँडामा विमानस्थल निर्माण गर्न सरकार पछि नहट्ने बताउनुभएको छ ।

बिहीबार स्थलगत अवलोकन गर्न पुग्नुभएका मन्त्री भट्टराईले हरेक दृष्टिकोणले चुहानडाँडा क्षेत्र विमानस्थलको लागि उपयुक्त भएकाले यहाँ विमानस्थल निर्माण हुने बताउनुभएको हो ।

तेह्रथुमसँगै पाँचथर र ताप्लेजुङ जिल्लाका बासिन्दाका लागि यो क्षेत्र पायक पर्ने भएकोले यस क्षेत्रमा विमानस्थल निर्माणको लागि सरकार प्रतिबद्ध रहेको पनि उहाँले बताउनुभयाे । विमानस्थल निर्माणको लागि अहिले विस्तृत प्रतिवेदन बनाउने प्रक्रिया अगाडि बढिसकेको भन्दै मन्त्री भट्टराईले सकेसम्म यही आर्थिक वर्षभित्र नै विमानस्थल निर्माण कार्य थालनी हुने समेत बताउनुभयो ।

अर्काे प्रसंगमा मन्त्री भट्टराईले यस क्षेत्रमा विमानस्थल निर्माणको लागि स्थलगत अवलोकनमा आउनुभएका बेला तत्कालीन संस्कृति, पर्यटन तथा नागरिक उड्डयन मन्त्री रविन्द्र अधिकारीको हेलिकप्टर दुर्घटनामा परेर निधन भएको क्षणलाई सम्झँदै यही दुखद घटनाकै कारणले पनि यहाँ विमानस्थल निर्माण गर्न दबाब भएको उहाँको भनाइ थियाे । चुहानडाँडामा विमानस्थल बनाउने स्वर्गीय रवीन्द् अधिकारीकाे सपना पूरा भएरै छाड्छ ।

सम्बन्धित समाचार

चुहानडाँडामा मन्त्री अधिकारीको त्यो अन्तिम सम्बोधन !

हेलिकप्टर दुर्घटना : दिवंगत मन्त्री अधिकारीसहित सबैको शव काठमाण्डौ ल्याइयो

तत्कालीन मन्त्री अधिकारीको चुहानडाँडा विमानस्थल निर्माणको लागि स्थलगत अवलोकन गरेर फर्किने क्रममा ताप्लेजुङमा हेलिकप्टर दुर्घटनामा परि गएको फागुन १५ गते निधन भएको थियो । यस क्षेत्रमा विमानस्थल निर्माणको लागि जग्गा अपुग रहेको भन्दै मन्त्री भट्टराईले जग्गा उपलब्ध गराउन स्थानीयलाई आग्रहसमेत गर्नुभयो ।

आठराई गाउँपालिका–६, चुहानडाँडामा विमानस्थल निर्माणको लागि २०१७ सालदेखि नै चर्चा चल्दै आएको थियो । तर विमानस्थल निर्माणको लागि काम अघि नबढ्दा स्थानीय निराश हुन थालेका थिए । मन्त्री भट्टराई आफैँ पुगेर विमानस्थल बन्ने आश्वासन दिएपछि विमानस्थल निर्माण हुनेमा स्थानीय आशावादी बनेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्