संयुक्त राष्ट्रसंघ अन्तर्गत सबैभन्दा कम विकसित देशहरूको आठौँ मन्त्रीस्तरीय सम्मेलन आबुधाबीमा

कात्तिक १६, २०७६ शनिबार १७:५५:२६ | उमाकान्त पाण्डे

यूएई – संयुक्त राष्ट्रसंघ अन्तर्गत सबैभन्दा कम विकसित देशहरुको आठौँ मन्त्रीस्तरीय सम्मेलन आबुधाबीमा सुरु भएको छ ।

यो सम्मेलन राष्ट्रसंघको औद्योगिक विकास क्षेत्र कार्यक्रम (यूनीडो), राष्ट्रसंघकै कम विकसित-विकासशील भूपरिवेष्टित तथा साना टापु देशहरुको कार्यक्रम (ओएचआरएलएलएस) र यूएईको सहयोगमा भएको हो ।

यस सम्मेलनले सन् २०२० पछि अतिकम विकसित देशहरुमा औद्योगिकीकरणका लागि नयाँ रणनीतिहरू तयार गर्ने लक्ष्य राखेको छ ।

सम्मेलनमा नेपालको तर्फबाट आबुधाबीमा रहेको नेपाली दूतावासले सहभागिता जनाएको छ । यूएईका लागि राजदूत कृष्णप्रसाद ढकालको नेतृत्वमा उपनियोग प्रमुख रिता धितालले नेपालको प्रतिनिधित्व गर्नुभएको छ ।

आबुधाबीको इमिरेट्स प्यालेसमा शनिबारबाट सुरु भएको मन्त्रीस्तरीय सम्मेलन लगत्तै आइतबारबाट १८ ‌‌औँ विशेष सम्मेलन सुरु हुनेछ । सम्मेलन आउँदो नोभेम्बर ७ तारिखसम्म चल्ने नेपाली दूतावास आबुधाबीका सूचना अधिकारी भुवन ओझाले उज्यालोलाई जानकारी दिनुभयो ।

अति कम विकसित देशहरुमा चलिरहेका विकास परियोजनाहरूमा भएका राम्रा अभ्यासहरूको अनुसरण र गल्तीहरुलाई सुधार गर्दै लैजाने विषयमा सम्मेलन केन्द्रित छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्