बम विस्फाेट गरेर, करेन्ट लगाएर माछा मार्न नदिने डोटीको बडीकेदार र जाेरायल गाउँपालिकाकाे निर्णय

पुष १, २०७६ मंगलबार ११:४८:३ | विमल बिष्ट

डोटी – डोटीको दक्षिणी क्षेत्रमा पर्ने ठूलीगाड नदीमा गैरकानुनीरुपमा माछा मार्न बन्द गरिएको छ ।

जलीय जैविक विविधता संरक्षण गर्न भन्दै जिल्लाका दुई वटा पालिका, बडीकेदार र जोरायल गाउँपालिकाले नदीमा माछा मार्ने कार्य बन्द गर्ने निर्णय गरेका हुन् ।
संयुक्तरुपमा जलीय जैविक विविधताको दिगो संरक्षण गर्न जलचर संरक्षण ऐन बनाएर यी दुई पालिकाले सक्रियता देखाएका हुन् ।

पालिकाले आफ्नो छुट्टै कानुन बनाएर स्थानीय नदी र खोलामा बम, विषादी, करेन्टद्वारा माछा मार्न बन्द गरेको जोरायल गाउँपालिकाका अध्यक्ष दुर्गादत्त ओझाले बताउनु भयो । उहाँले भन्नुभयो, ‘हामीले कानुन बनाएर नदी र खोलामा माछा मार्न बन्द गराएका छौँ, कानुन विपरीत काम गर्नेलाई कारबाही हुने छ ।’

त्यस्तै यी दुई पालिकाले जलचर संरक्षणसम्बन्धी समूह गठन गरी ठूलीगाड जलाधार क्षेत्रको संरक्षण गर्न थालेका छन् । गाउँपालिकाले ऐन कानुन बनाइ समूह गठन गरेर समूहलाई नै नदी तथा माछाको संरक्षणको जिम्मा दिएको बडीकेदार गाउँपालिकाका अध्यक्ष कृष्णबहादुर चन्दले बताउनुभयो ।

पछिल्लो समय विस्फोटक पदार्थ, करेन्ट र विषादी प्रयोग गरेर माछालगायत अन्य जलचर प्राणी मारिन थालेपछि लोप हुने अवस्था आएको भन्दै पालिकाले नीति बनाएर संरक्षण अभियान चलाएका हुन् ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्