डोटीमा अनिश्चितकालीन कर्फ्यु आदेश

चैत १०, २०७६ सोमबार १९:१:७ | विमल बिष्ट

डोटी – कोरोना भाइरस (कोभिड १९) को रोकथाम र नियन्त्रणको लागि जिल्ला प्रशासन कार्यालय डोटीले अर्को आदेश नभएसम्मका लागि जिल्लाभरि निषेधाज्ञा (कर्फ्यु) जारी गरेको छ ।

प्रमुख जिल्ला अधिकारी टेकनारायण पौडेलले हस्ताक्षर गर्नुभएको एक सूचनामा डोटी जिल्ला कोरोनाको सम्भावित सङ्क्रमणको उच्च जोखिममा रहेको हुनाले अत्यावश्यक बाहेकका अन्य सेवा अर्को आदेश नभएसम्मका लागि स्थानीय प्रशासन ऐन २०२८ को दफा ६ (६) अनुसार नगर्न नगराउन हुन यो निषेधाज्ञा जारी गरिएको उल्लेख छ ।

यो आदेशको उल्लङ्घन गर्नेलाई कानुन बमोजिमको कारबाही गरिने समेत सूचनामा भनिएको छ । प्रशासन कार्यालयले जिल्लाभरि अनिश्चितकालीन निषेधाज्ञा जारी गरेपछि अहिले यहाँका प्रमुख बजारका पसल र यातायातका साधनहरु बन्द भएका छन् ।

त्यस्तै प्रशासनले भेला, आम सभा, सेमिनार, गोष्टि, धार्मिक तथा सांस्कृतिक मेला पर्व नगर्न नगराउन समेत उर्दी जारी गरेको छ । प्रशासनको निषेधाज्ञा आदेशपछि अहिले बजारमा ठूलो सङ्ख्यामा सुरक्षाकर्मी परिचालन भएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्