एक लाख रुपैयाँ घुस लिँदै गरेको अवस्थामा अख्तियारद्वारा सब–इञ्जिनियर पक्राउ

साउन १२, २०७५ शनिबार १२:०:२ | जनार्दन घिमिरे

गुल्मी – अख्तियार दुरुपयोग अनुसन्धान आयोगको टोलीले शनिबार तम्घास–सिमलटारी–प्यूठान सडक आयोजनामा कार्यरत सब–इञ्जिनियर प्रकाश झालाई घुस लिँदै गरेको अवस्थामा रंगेहात पक्राउ गरेको छ ।

झा सदरमुकाम तम्घास बसपार्क नजिकै रहेको आफ्नै कोठावाट एक लाख रुपैयाँ नगदसहित अख्तियारको टोलीद्वारा पक्राउ परेका हुन् ।

सब–इञ्जिनियर झाले एक जना निर्माण व्यवसायीसँग रनिङ्ग बिल बढी दर रेटमा उठाइदिने सर्तमा घुस लिएको अख्तियार दुरुपयोग अनुसन्धान आयोगको कार्यालय बुटवलको टोलीले जानकारी दिएको छ ।

विशेष सूचनाका आधारमा शुक्रबार तम्घास आएको अख्तियार टोलीले निर्माण व्यवसायीले रकम बुझाए लगत्तै उनकै कोठाबाट झालाई पक्राउ गरेको हो । झाको कोठावाट अख्तियारले केही कागजातहरु समेत नियन्त्रणमा लिएकोे छ ।

सब–इञ्जिनियर झाले निर्माण व्यवसायीलाई केही समयअघि त्यो पैसा सापटीको रुपमा दिएको र त्यही पैसा फिर्ता लिएको बताएका छन् । अख्तियारको टोलीले आवश्यक अनुसन्धानको लागि शनिबार नै झालाई बुटवल लगि थप अनुसन्धान गर्ने जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्