मृगौला तस्करी गर्ने गिरोह पक्राउ

साउन १३, २०७५ आइतबार १६:१६:१९ | राधेश्याम खतिवडा

चितवन – जिल्ला प्रहरी कार्यालय चितवनले मृगौला तस्करी गर्ने गिरोहलाई पक्राउ गरेको छ ।

जिल्ला प्रहरी कार्यालयले गएको असार २५ गतेदेखि स्वास्थ्य क्षेत्रमा भएको अपराध नियन्त्रण गर्नका लागि परिचालन गरेको मेडिकल रेस्पोन्स टिमले मिर्गौला तस्करी गर्ने पाँच जना गिरोहलाई पक्राउ गर्न सफल भएको हो ।

पक्राउ पर्नेमा नुवाकोटको पन्चकन्या गाउँपालिका वडा नम्बर–४, बस्ने ४१ वर्षका हरि परियार भन्ने दुर्गाबहादुर दर्जी, रौतहटको चन्द्रपुर नगरपालिका–४, बस्ने ३५ वर्षका बिक्रम पहरी, मकवानपुरको बकैया गाउँपालिका वडा नम्बर–५, बस्ने २८ वर्षका प्रकाश तामाङ, मोरङको साविक बयरबन गाविस–६, बस्ने ३४ वर्षका दिपक लिम्बु र रसुवाको उतरगया गाउँपालिका वडा नम्बर–३, बस्ने २८ वर्षका विशाल नेपाली रहेका छन् ।

उनीहरुले विकट क्षेत्रका नागरिकलाई प्रलोभनमा पारी मिर्गौला बिक्री वितरण गर्ने गरिएको प्रहरी अनुसन्धानबाट खुलेकोले जिल्ला प्रहरी कार्यालय चितवनका प्रहरी नायव उपरीक्षक एवंम प्रवक्ता प्रभुप्रसाद ढकालले बताउनुभयो । घटनामा अन्य धेरै व्यक्तिहरु संलग्न भएको हुन सक्न देखिएकोले थप अनुसन्धान गरी खोजी कार्य जारी रहेको ढकालले जानकारी दिनुभयो ।

पक्राउ परेका दुर्गा परियार बाहेकका अन्यले अरु तस्करहरुको सम्पर्कबाट भारतको विभिन्न अस्पतालहरुमा गई १÷१ वटा मिर्गौला बिक्री गरेको खुलेको उहाँले बताउनुभयो । उनीहरुले मिर्गौला बिक्री गर्ने मानिस खोजी सम्पर्क गराई दिए बापत एकजनाको मृगौला बिक्रीबाट ५० हजारदेखि एक लाखसम्म कमिशन लिने गरेको प्रारम्भीक अनुसन्धानबाट खुलेको ढकालले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्