नेपालमा कोरोनाबाट मृत्यु हुनेको सङ्ख्या १६ पुग्यो

जेठ ३०, २०७७ शुक्रबार १७:५:२७ | उज्यालो सहकर्मी

काठमाण्डौ - नेपालमा कोरोना सङ्क्रमणको कारण ज्यान गुमाउनेको सङ्ख्या १६ पुगेको छ ।

स्वास्थ्य तथा जनसङ्ख्या मन्त्रालयका अनुसार अर्घाखाँचीका ५७ वर्षीय पुरुषको कोरोना सङ्क्रमणको कारण मृत्यु भएको पुष्टि गरिएको हो ।

मालारानी क्वरेण्टीनमा रहेका ती पुरुषको स्वास्थ्यमा समस्या आएपछि लुम्बिनी प्रादेशिक अस्पतालमा उपचार गरी घर फर्किने क्रममा बाटोमै मृत्यु भएको मन्त्रालयका प्रवक्ता डाक्टर जागेश्वर गौतमले बताउनुभयो । योसँगै नेपालमा कोरोनाबाट मृत्यु हुनेको सङ्ख्या १६ पुगेको छ ।

गएको जेठ २९ गते भैरहवामा भएको परीक्षणमा उहाँको रिपोर्ट पोजेटिभ आएको थियो । उहाँ भारतबाट फर्किएर क्वरेण्टीनमा बस्नुभएको थियो । उनको अर्घाखाँचीमै अन्त्येष्टि गरिने भएको छ ।

यसअघि कोरोना सङ्क्रमणबाट सिन्धुपाल्चोकमा एक, ललितपुरमा एक, अर्घाखाँचीमा एक, दैलेखमा एक, बाँकेमा एक, गुल्मीमा एक, बारामा एक, बाजुरामा एक, दोलखामा एक, पाल्पामा एक, सुर्खेतमा एक, कैलालीमा एक, डोल्पामा एक र स्याङ्जामा एक जनाको मृत्यु भएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्