एक गर्भवती र एक सुत्केरीको उद्धार गरी सोलुखुम्बुबाट काठमाण्डाै ल्याइयाे

भदौ ९, २०७७ मंगलबार २१:७:३९ | सुवास दर्नाल

सोलुखुम्बु – सोलुखुम्बुबाट एक गर्भवती र एक सुत्केरीको हेलिकप्टरमार्फत उद्धार गरी काठमाण्डौ ल्याइएको छ ।

बेहोस अवस्थामा रहेकी सोलुदूधकुण्ड नगरपालिका ७ गार्माकी २० वर्षीया गर्भवती विनिता लामिछाने र माप्य दूधकोशी गाउँपलिका वाकुकी २३ वर्षीया सुत्केरी जेनिसा मगरको बच्चाको अवस्था नाजुक भएपछि हेलिकप्टरमार्फत उद्धार गरिएको जिल्ला अस्पताल फाप्लुले जनाएको छ ।

राष्ट्रपति महिला उत्थान कार्यक्रममार्फत उद्धार गरिएको र उनीहरुको प्रसूति गृह थापाथलीमा उपचार भइरहेको अस्पतालका निमित्त प्रमुख शानी शेर्पाले जानकारी दिनुभयो ।

३३ हप्ताकी गर्भवती विनिता रक्तश्रावका कारण बेहोस हुनुभएको र जेनिसाको बच्चालाई श्वासप्रश्वासमा समस्या आएको अस्पतालले जनाएको छ । राष्ट्रपति महिला उत्थान कार्यक्रम लागू भएपछि सोलुखुम्बुबाट ११ गर्भवती तथा सुत्केरीको उद्धार गरिएको जिल्ला प्रशासन कार्यालय सोलुखुम्बुले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्