थप चार जना कोरोना सङ्क्रमितको ज्यान गयो

 असोज ८, २०७७ बिहिबार १२:४:३१ | उज्यालो सहकर्मी
unn.prixa.net

काठमाण्डाै - नेपालमा कोरोना सङ्क्रमणका कारण थप चार जनाको ज्यान गएको छ ।

कोरोना विशेष अस्पताल बुटवलमा उपचार गराइरहेका कपिलवस्तु बुद्धभूमि नगरपालिका वडा नम्बर ६ का ५० वर्षका पुरुष र नवलपरासीको रामग्राम नगरपालिका ३ का ४९ वर्षका पुरुषको ज्यान गएको लुम्बिनी प्रादेशिक अस्पताल बुटवलका सूचना अधिकारी डाक्टर विष्णु गौतमले जानकारी दिनुभयो ।

यस्तै सप्तरीमा होम आइसोलेशनमा बसेका ५५ वर्षका पुरुषको आज बिहान ज्यान गएको छ । यसैगरी डडेल्धुराको नवदुर्गा गाउँपालिकाका ४८ वर्षका पुरुषको गएराति डडेल्धुरा अस्पतालमा ज्यान गएको अस्पतालले जनाएको छ । योसँगै नेपालमा कोरोना सङ्क्रमणका कारण ज्यान गुमाउनेको संख्या ४ सय ४० पुगेको छ ।

अहिलेसम्म ९ लाख ४४ हजारको पीसीआर परीक्षण गर्दा ६७ हजार ८ सय ४ जनामा कोरोना पोजेटिभ देखिएको छ । जसमध्ये ४९ हजार ९ सय ५४ जना निको भएका र १७ हजार ४ सय १४ जना आइसोलेशनमा रहेका स्वास्थ्य तथा जनसंख्या मन्त्रालयले जनाएको छ ।

अन्तिम अपडेट: असोज ९, २०७७

तपाईको प्रतिक्रिया