कबुल गरेको सुन नदिएपछि बलात्कारको घटना बाहिरियो

मंसिर ११, २०७७ बिहीबार १७:५५:४३ | जयराज अवस्थी

बैतडी – लैङ्गिक हिंसाविरुद्धको १६ दिने अभियान सञ्चालन भइरहेकै समयमा बैतडीमा बलात्कारको घटना मिलापत्र गरेर गाउँमै मिलाउन खोजिएको कुरा बाहिर आएको छ ।

सिगास गाउँपालिका ३ की १८ वर्षीया किशोरीमाथि गएको जेठमा बलात्कार भएको घटना बाहिर आएको हो । त्यही ठाउँका दीपकसिंह धामीले बलात्कार गरेको कुरा झन्डै ६ महिनापछि बाहिर आएको हो ।

गएको जेठमै किशोरीमाथि बलात्कार भएको र त्यो बेला पीडित पक्षलाई एक तोला सुन दिने भन्दै त्यो घटना गाउँमै मिलाइएको बताइएको छ । कात्तिक मसान्तमा पीडित पक्षलाई एक तोला सुन दिने सर्त राख्दै तमसुक बनाए पनि पीडितलाई सुन नदिएपछि मात्र घटना बाहिर आएको हो ।

गएको असार १४ गते त्यो घटनालाई गाउँमै तमसुक बनाएर मिलाएको पाइएको जिल्ला प्रहरी कार्यालयका प्रमुख तथा प्रहरी नायब उपरीक्षक (डीएसपी) नारायणप्रसाद अधिकारीले जानकारी दिनुभएको छ ।

पीडित पक्षसँगको प्रारम्भिक कुराकानीपछि किशोरीमाथि बलात्कार भएको देखिएको र उनीहरुलाई सुन दिने प्रलोभनमा घटना लुकाएको पाइएकाले घटनाको अनुसन्धान अगाडि बढाइएको उहाँले बताउनुभयो ।

तमसुकमा सहमति गरिएअनुसार सुन दिनुको सट्टा पीडकले पीडित पक्षलाई धम्क्याउन थालेपछि बलात्कारको घटना बाहिर आएको हो । यो घटनामा संलग्न सबैको पहिचान गरेर कानुनअनुसार कारबाही गरिने प्रहरीले जनाएको छ ।

यस्ताे छ तमसुक–

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्