विदेश जान इलामबाट यो आर्थिक वर्षमा मात्रै ४ हजारभन्दा धेरैले बनाए पासपोर्ट

फागुन ६, २०७७ बिहीबार १६:३६:५७ | सुजता सुनुवार

इलाम – इलाममा चार हजार बढीले पासपोर्ट बनाएका छन् । आर्थिक वर्ष २०७६/०७७ को सुरुवातदेखि अहिलेसम्ममा इलाममा मात्रै ४ हजार ८ सय ६२ जनाले पासपोर्ट बनाएका हुन् ।

जिल्ला प्रशासन कार्यालय इलामबाट अघिल्लो र यो वर्षमा ३ हजार ९ सय ३८ जनाले सामान्य तरिकाले पासपोर्ट बनाएका छन् भने ९ सय २४ जनाले द्रुत सेवा (फास्ट ट्र्याक) बाट पासपोर्ट बनाएको जिल्ला प्रशासन कार्यालय इलामका सूचना अधिकारी देवी चरण फुयाँलले जानकारी दिनुभयो ।

द्रुत सेवा लिनेमा महिला बढी

जिल्लाबाट बनाइएका पासपोर्टमा द्रुत सेवाको सुविधा लिनेमा महिलाको सङ्ख्या धेरै रहेको जिल्ला प्रशासन कार्यालयले जनाएको छ । चालु आर्थिक वर्षमा मात्रै अहिलेसम्म द्रुत सेवाबाट पासपोर्ट लिनेको सङ्ख्या २०४ जना रहेको कार्यालयले जनाएको छ ।

जसमा एक सय २७ जना महिला रहेका छन् भने ७७ जना पुरुष रहेका छन् । तथ्याङ्कको आधारमा पुरुषभन्दा महिला ५० ले बढी छन् । आर्थिक अभावका कारण फ्री भिसा फ्री टिकट मै विदेश जाऊँ न भन्ने महिलाको सङ्ख्या बढ्दै गएको सुरक्षित आप्रवासन परियोजना सामीको आप्रवासी स्रोत केन्द्र इलाम नगरपालिकाका परामर्शकर्ता कल्पना थापाले बताउनुभयो ।

उहाँले भन्नुभयो, ‘म जाऊ पैसा धेरै लाग्छ, श्रीमानले तिमी नै जाऊ न भन्नुभयो, त्यसैले मै विदेश जान आँटेको भनेर पासपोर्ट बनाउन आउने महिलाले भन्नुहुन्छ, यस्ता सोचाइले महिलामा काम र सुरक्षाको जोखिम भने बढाउने देखिन्छ ।’

द्रुत सेवाबाट एक दिनमा नै राहदानी बन्छ । तर शुल्क भने महँगो छ । द्रुत सेवामा एक दिनका लागि १५ हजार, दुईका लागि १२ हजार र तीन दिनमा बनाउँदा १० हजार रुपैयाँ शुल्क लाग्छ ।

उहाँका अनुसार, जिल्लाबाट बनाउँदा पाँच हजार शुल्क लाग्छ । तर समय भने ३० देखि ४५ दिनसम्म लाग्ने गरेको छ ।

जिल्ला र द्रुत सेवा गरी इलामका एक हजार ३६४ जनाले लकडाउन खुलेपछि पासपोर्ट बनाएको प्रशासन कार्यालयको तथ्याङ्क छ । कामको सिलसिलामा इलामबाट खाडीका देश कतार, यूएर्ई, मलेसिया र कोरिया जस्ता देशहरू जाने गरेका छन् । मलेसिया जान खोज्नेको सङ्ख्या धेरै छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्