सेती जलाशययुक्त आयोजनाले डोटी र अछामका आठ सय ८४ घरधुरीमा असर पर्ने

फागुन २१, २०७७ शुक्रबार १४:४९:५६ | विमल बिष्ट

डोटी – डोटीको बोगटान फुड्सिल गाउँपालिकामा निर्माण गर्न लागिएको सेती जलाशययुक्त आयोजनाले डोटी र अछामका गरी कम्तीमा आठ सय ८४ घरधुरीमा असर पर्ने बताइएको छ ।

नेपाल सरकार ऊर्जा, जलस्रोत तथा सिचाइँ मन्त्रालय, विद्युत् विकास विभागले बोगटान फुड्सिल गाउँपालिकामा गरेको सार्वजनिक सुनुवाइ कार्यक्रममा यसबारे जानकारी दिइएको हो । यस आयोजनाको वातावरणीय प्रभाव मूल्याङ्कन अध्ययनका लागि गरिएको सार्वजनिक सुनुवाइ कार्यक्रममा सेती आयोजनाबाट यति ठूलो सङ्ख्यामा घरधुरीलाई असर पर्ने जानकारी दिइएको हो ।

कुल तीन सय आठ मेगावाट विद्युत् उत्पादन हुने अनुमान गरिएको आयोजना सम्पन्न गर्न ९१ अर्ब रुपैयाँ लाग्ने भएको छ । आयोजनाबाट सबैभन्दा बढी डोटीकोे बोगटान फुड्सिल गाउँपालिकामा क्षति हुने वातावरण परामर्शदाता डाक्टर ज्योतिप्रसाद गजुरेलले जानकारी दिनुभयो ।

आयोजनाका लागि वन क्षेत्र १०४०.९ हेक्टर, निजी जमिन १८७३.५ हेक्टर (३६ हजार ८२६.४९ रोपनी ), १४६६.१२४ हेक्टर सरकारी जमिन प्रयोग हुने जानकारी दिइएको छ । आयोजनाले कम्तीमा एक लाख १४ हजार ६ सय दुई प्रजातिका बोटबिरुवा प्रभावित हुने वातावरण परामर्शदाता डाक्टर ज्योतिप्रसाद गजुरेलले बताउनुभयो । उहाँले भन्नुभयो, ‘आयोजना निर्माण भए केही क्षति हुने देखिएको छ, काम सम्पन्न भए विद्युत् क्षेत्रमा पनि उल्लेख्य उपलब्धि हुने छ ।’

उहाँका अनुसार आयोजनाबाट कम लगानीमा बढी फाइदा हुने छ । यस आयोजनाले समग्र सुदूरपश्चिम प्रदेश र केन्द्रलाई नै फाइदा हुने गाउँपालिकाकी उपाध्यक्ष भगवती बमले बताउनुभयो । उहाँले भन्नुभयो, ‘विकास गर्दा केही न केही विनाश अवश्य हुन्छ, राम्रो कामका लागि केही क्षति भए पनि सहनुपर्छ, यहाँका विकासका योजनामा हाम्रो पूर्ण सहयोग रहने छ ।’

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्