दुर्गाप्रसादकी आमालाई लाग्थ्यो, छोराले 'जेल' भन्ने ठाउँमा काम गर्दै कमाइरहेको छ

चैत ८, २०७७ आइतबार १९:१५:२ | सुजता सुनुवार

इलाम – इलामको माई नगरपालिका १० का दुर्गाप्रसाद तिम्सिना (दीपक) जन्मघर आइपुग्दा परिवारमा खुसी छाएको छ । विना सुनुवाइ ४० वर्षसम्म जेलमा कैदी जीवन बिताउनुभएका उहाँसँग आइतबार पारिवारिक मिलन हुँदा सबैमा खुसी छाएको हो ।

विश्व सेवा विस्तार संस्था काँकडभिट्टाबाट १२ः३० बढे हिँड्नुभएका उहाँले झण्डै ३ः१० मा जन्मघरको आँगन टेक्नुभएको थियो । ‘दमदम सेन्ट्रल करेक्सनल होम’ मा जेलको कष्टकर बसाइबाट छुटकारा पाउनुभएका उहाँले आफ्नी आमासँग भेटघाट गर्नुभयो तर मौन बस्नुभयो ।

‘आउनुहुन्छ भन्ने लागेको थियो यत्तिका वर्षपछि भेट्न पाउँदा कत्ति हो कत्ति खुसी लागेको छ । त्यो खुसी व्यक्त नै गर्न सक्दैनौँ’, भतिजा गोपाल तिम्सिना भन्नुहुन्छ ।

छोरोसँगको भेटपछि खुसी हुदै आमाले आशाको भावमा भन्नुभयो, ‘यसको ज्यानमा फोक्से मासु लागेछ, कमाउन गएको कमाइ त भो होला यसको ?’ आमा बोल्नुभयो तर दुर्गाप्रसाद केही बोल्नुभएन । नबोलेपछि ‘बोल्दैन बिरामी पो छ कि के हो ?’ थप प्रश्न गर्दै उहाँले छोरोप्रति जिज्ञासा राख्नुभयो ।

आमा धनमायालाई जेल भनेको सजाय दिने ठाउँ हो भन्नेसम्म थाहा छैन । छोरो जेल भन्ने ठाउँमा काम गर्दै कमाइरहेको छ भन्ने लागेको छ उहाँलाई । कमाउन जान्छु भनेर हिँडेको छोरो बल्ल फर्किएको छ । धेरैतिर खोज्दा पनि कतै पत्ता नलागेपछि छोरो सम्पर्कविहीन भए पनि कमाइ गरिरहेको छ भन्ने आशामा हुनुहुन्थ्यो ।

‘कमाउन गएको किन कमाउँदैन र ? यत्तिका वर्षमा कमायो होला । जग्गा किन्ला अब गरेर खाला नि’, छाेराे नबाेले पनि आमाले मनभरिको आशा व्यक्त गर्नुभयो ।

दुर्गाप्रसाद घर त आउनुभयो तर उहाँ भने केही थाहा नभएको जस्तै देखिनुहुन्छ । आमालाई भेट्दा उहाँमा न खुसी देखियो न दुःख नै ।

तिम्सिना शनिवार जेलमुक्त भएसँगै आइतबार नेपाल फर्किनुभएको हो । उहाँलाई लिन भाइ प्रकाशचन्द्र (काकाका छोरा) र विश्व मानव सेवा विस्तार संस्थाका प्रतिनिधि इन्द्र बस्नेत भारत पुग्नुभएको थियो ।

उहाँ सन् १९८० मा दार्जिलिङबाट एक महिलाको हत्या अभियोगमा पक्राउ पर्नुभएको थियो तर उहाँमाथिको यो आरोप प्रमाणित भएको छैन । उहाँविरुद्ध दार्जिलिङ प्रहरीमा हत्या अभियोगमा जाहेरी दर्ता भएको प्रमाण छ ।

यस प्रमाणमा दार्जिलिङका नैन घलेले आफ्नी श्रीमती हत्या अभियोगमा उहाँविरुद्ध जाहेरी दिएको देखिन्छ । तर भाइ प्रकाशचन्द्र भन्नुहुन्छ, ‘दाइलाई फसाउन फर्जी जाहेरी दिएको हो ।’ दुर्गाप्रसाद भने बोल्दै बोल्नुहुन्न । तर भाइ प्रकाशचन्द्रका अनुसार दाइ दुर्गाप्रसादले छुटेलगत्तै ‘म निर्दोष छु’ भन्ने प्रतिक्रिया दिनुभएको थियो ।

दुर्गाप्रसाद घर आउनुभएको समयमा छिमेकीसमेत भेट्न आएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दुर्गाप्रसादकी आमालाई लाग्थ्यो, छोराले 'जेल' भन्ने ठाउँमा काम गर्दै कमाइरहेको छ

दुर्गाप्रसादकी आमा धनमाया

तपाईको प्रतिक्रिया