साेलु करिडाेर आयोजनाले छैटौँ पटक म्याद थप्न फाइल अघि बढायो, तीन महिनादेखि काम ठप्प

जेठ १८, २०७८ मंगलबार १३:१७:३४ | सुवास दर्नाल

सोलुखुम्बु – साेलुखुम्बुमा निर्माणाधीन सोलु करिडोर आयोजनाले छैटौँ पटक म्याद थपका लागि फाइल अगाडि बढाएको छ । सन् २०१६ सेप्टेम्बर २५ मा ३० महिनाभित्र निर्माण सम्पन्न गर्ने गरी काम सुरु गरेको आयोजनाले छैटौँ पटक म्याद थपका लागि फाइल अघि बढाएको हो ।

सन् २०२१ को मे महिनामा काम सक्ने सर्तमा पाचौँ पटक म्याद थप गरेको आयोजनाले फेरि एक पटक तीन महिनाका लागि म्याद थप गर्न लागेको आयोजना प्रमुख जनार्दन गौतमले जानकारी दिनुभयो । उहाँका अनुसार जिल्लामा उत्पादित विद्युत् बाहिर लैजान १३२ केभी प्रसारण लाइन निर्माण गरिएको भए पनि स्थानीयको अवरोधका कारण समयमा नै सम्पन्न हुन नसकेको हो ।

सिरहाको मिर्चैयादेखि तिङ्लासम्म तीन सय दुई वटा टावर बनाउनुपर्नेमा अहिलेसम्म दुई सय ९२ ओटाको फाउन्डेशनकाे काम सकिएको आयोजनाले जनाएको छ । बाँकी १० टावर निमार्ण गर्ने ठाउँमा स्थानीयवासीको अवरोधका कारण काम सुरु नै हुन नसकेको आयोजना प्रमुख गौतमले बताउनुभयो । यस्तै ९० किलोमिटर दुरी रहेको करिडोरमा अहिलेसम्म ६० किलोमिटर तार टाँगिएको छ ।

तीन महिनादेखि आयोजना निर्माणको काम ठप्प बनेको छ । सोलुखुम्बुको सोलु दुधकुण्ड नगरपालिका ८ पत्ताले क्षेत्रका स्थानीयवासी र कटारी नगरपालिका ४ मरुवाका स्थानीयवासीको अवरोधका कारण काम ठप्प बनेको आयोजना प्रमुख गौतमले बताउनुभयो ।

मुआब्जाको माग गदै स्थानीयवासीले तीन महिनादेखि काम गर्न नदिएको आयोजनाले जनाएको छ । पत्तालेमा दुई किलोमिटर तार टाग्न बाँकी रहेको छ । यस्तै मरुवामा १० वटा टावर निर्माण गर्नुपर्ने भए पनि स्थानीयवासीको अवरोधका कारण काम अगाडि बढाउन नसकिएको आयाेजना प्रमुख गौतमको भनाइ छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साेलु करिडाेर आयोजनाले छैटौँ पटक म्याद थप्न फाइल अघि बढायो, तीन महिनादेखि काम ठप्प

फाइल फाेटाे

तपाईको प्रतिक्रिया