नेपाल र वेस्ट इन्डिज ‘ए’ बीचको टी–२० क्रिकेट श्रृङ्खला आजदेखि
बैशाख १५, २०८१ शनिबार
डाेटी – डोटीमा पहिरोमा पुरिएर दुई बालबालिकाको ज्यान गएको छ । जिल्ला प्रहरी कार्यालय डोटीका प्रमुख तथा एसपी दानबहादुर मल्लका अनुसार पहिराेमा पुरिएर दिपायल सिलगढी नगरपालिका ५ का सात वर्षीय बालक विनोद भण्डारी र ११ वर्षीया बालिका जेनिसा विष्टको ज्यान गएको हो ।
गाउँ नजिकैको चिसापानी भन्ने ठाउँमा बाख्रा चराउन गएका बेला आज दिउँसो उनीहरूको पहिराेमा पुरिएर ज्यान गएको हो । दिउँसो पानी परेपछि ओत लाग्न ओडारमा बसेको बेला ओडार माथिबाट पहिरो खस्दा उनीहरू च्यापिएका थिए ।
च्यापिएको खबर थाहा भएपछि नेपाल प्रहरी, स्थानीयवासी पुगेर पहिरो पन्छ्याएर निकाल्दा उनीहरूको ज्यान गइसकेको जिल्ला प्रहरी कार्यालय डोटीले जनाएको छ । डाेटीमा मनसुन सुरु भएयता पहिराेमा परेर अहिलेसम्म तीन जनाकाे ज्यान गएकाे छ ।