डोटीको पूर्वीचौकीमा खेल मैदान बनाउने विषयमा विवाद, वडा कार्यालयमा स्थानीय बासिन्दाको ताला

असार ७, २०७८ सोमबार ९:३३:२० | विमल बिष्ट

डोटी - डोटीको पूर्वीचौकी गाउँपालिका–५ काँडामाण्डौको वडा कार्यालयमा ताला लागेको छ । एकलौटी उपभोक्ता समिति बनाएर अनुपयुक्त ठाउँमा खेल मैदान निर्माण गर्न लागेको भन्दै स्थानीय बासिन्दाले तालाबन्दी गरेका हुन् । गाउँपालिकाको खेल मैदान निर्माणमा विवाद भएपछि स्थानीय बासिन्दाले काम रोक्न माग गर्दै ताला लगाइदिएका त्यहाँका खडक साउदले जानकारी दिनुभयो ।

खेल मैदान सबैको पायक पर्ने ठाउँमा बनाउनु पर्नेमा गाउँपालिका अध्यक्षको घरनजिकको सामुदायिक वनमा बनाएको भन्दै स्थानीय बासिन्दाले ताला लगाएका वडाअध्यक्ष पदमबहादुर धानुकले जानकारी दिनुभयो । खेल मैदानका लागि गाउँपालिकाले ३० लाख रुपैयाँ बजेट विनियोजन गरेको छ ।

अन्तिम अपडेट: चैत २८, २०८०

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

डोटीको पूर्वीचौकीमा खेल मैदान बनाउने विषयमा विवाद, वडा कार्यालयमा स्थानीय बासिन्दाको ताला

तपाईको प्रतिक्रिया