दूरसञ्चार प्राधिकरणमा अब को ?

भदौ १७, २०७५ आइतबार ११:८:३४ | उज्यालो सहकर्मी

काठमाडाैं – नेपाल दूरसञ्चार प्राधिकरणको प्रमूखका लागि दौडधुप सुरु भैसकेको छ । दूरसञ्चार प्राधिकरण नेपालको टेलिकम क्षेत्रको नियमन र विकासका लागि नेतृत्व गर्ने सरकारी निकायको कार्यकारी पदका लागि तीन जनाको नाम सिफारिस भएको छ ।

जसको प्रमूखका लागि पूर्व सचिव शुशिल घिमिरे र प्राधिकरणकै वरिष्ठ निर्देशक पुर्षोत्तम खनाल व्यवस्थापन र अर्थशास्त्रका दक्ष २० वर्ष सरकारी सेवामा काम गरेका दिगम्बर झा प्रतिस्पर्धामा रहेका छन् ।

खासगरी लामो समय प्राधिकरणमा प्रमूखको रुपमा महत्वपूर्ण काम गरेका दिगम्बर झा पनि प्रतिस्पर्धी भएपछि प्राधिकरणभित्रकै केही अधिकारी तथा दूरसञ्चार माफियाको निन्द्रा खोसिएको छ । उहाँलाई अयोग्य प्रमाणित गर्नका लागि विभिन्न तानाबुना बुन्ने क्रम सुरु भएको प्राधिकरणकै कर्मचारीहरुले बताएका छन् ।

लामो समय सरकारी सेवामा रहेका झाले प्राधिकरणको नेतृत्व लिएर एउटा निम्सरो संस्थालाई बलियो संस्थाका रुपमा स्थापित गर्नुभएकाे थियाे ।

प्राधिकरणको अध्यक्ष रहेका झाको नियुक्ति निर्वाचन आचार संहिताका कारण वर्तमान सरकारले खारेज गरेको थियो । उहाँलाई कुनै पनि असक्षमता तथा कारवाहीका आधारमा हटाइएको थिएन । त्यसअघिका तीन वर्षमा उहाँले दूरसञ्चार सेवालाई आम जनताको पहुँचसम्म पुर्‍याउन उल्लेख्य भूमिका निर्वाह गर्नुभएकाे थियाे ।

झा कै पालामा ब्रोड ब्याण्ड इन्टरनेट भित्र्याइयाे । नेपालका लागि सूचना प्रविधी (आईटीसी) नीति पारित भएकाे थियाे ।

झाले यसबीचमा नेपालका लागि महत्वपूर्ण सूचना महामार्ग (इन्फरमेशन सुपर हाइवे) अवधारणा पनि अघि सार्नुभएकाे थियाे । मध्यपहाडी लोकमार्गमा ९६ कोरको अप्टीकल फाइबर केबल हुने र त्यसलाई हरेक जिल्ला सदरमुकासंग जोड्ने उनको योजना अनुसारको काम अघि बढिरहेको छ ।

त्यस्तै उत्तर दक्षिण राजमार्गमा जोड्ने तथा सबै जिल्ला सदरमुकार र नगरपालिका पनि जोड्ने सपनाकासाथ काम अघि बढाउनुभएको थियाे । यसका लागि नेपालका तीन ठूला सेवा प्रदायक नेपाल टेलिकम, एनसेल र स्मार्ट सेललाई ठेक्कासमेत दिइसकेका छन् । यी काम सम्पन्न हुँदा नेपालमा इन्टरनेट पहुँचमा ऐतिहांसिक काम हुनेछ ।

त्यस्तै, ब्रोडव्याण्ड (तीब्र गतीको इन्टरनेट) मा सबैको पहुँच पुर्याउन ७७ जिल्लालाई १८ वटा प्याकेजमा बाँडेर काम भैरहेकाे छ । तीमध्ये भूकम्प प्रभावित ११ जिल्लामा काम सकिइसकेको छ । सबै सबै वडा कार्यालय, गाउँपालिका तथा नगरपालिका तथा सबै स्वास्थ्य केद्र र सामुदायिकक तथा उच्च माध्यमिक विद्यालयमा दुई वर्षसम्म निशुल्क ब्रोडव्याण्ड उपलब्ध गराउने महत्वकांक्षी परियोजनासमेत झाले अघि बढाउनु भएकाे थियाे ।

उहाँकै पालामा दुर सञ्चार सेवा प्रदायकहरुलाई फोर जी उपलब्ध गराएर सेवासमेत सुरु भएकाे हाे ।

पछिल्लो पटक सेवा प्रदायक निकायहरुले एउटा टावर प्रयोग गर्ने अवधारणामासमेत काम गरिरहेका थिए । एउटै टावर दूरसञ्चार सेवा प्रदायक सबैले प्रयोग गरे ३० प्रतिशतसम्म सस्तो पर्न जान्छ याे प्रकृया अहिले मन्त्रालय पुगेको छ ।

झाले तीन वर्षको अवधिमा ६ जना मन्त्रीसँग काम गर्नुभएको छ । "मैले संधै अप्ठ्यारोमा पनि काम गरेँ । इमान्दार भएर टिम वर्कमा काम गर्छु" झाले भन्नुभयाे ।

नेपालले आफ्नै स्याटेलाइट राख्नका लागि अर्बिटल स्लटसमेत पाएको छ । जसलाई अघि बढाउन विभिन्न अन्तर्राष्टिय कम्पनीले टेन्डरमा भाग लिएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्