यौनजन्य हिंसाविरुद्ध एक महिने अभियान सुरु

भदौ २०, २०७५ बुधबार १८:४४:५२ | सुजता सुनुवार

इलाम – जबरजस्ती करणी र यौनजन्य हिंसा विरुद्ध इलाममा एक महिने अभियान बुधबारबाट सुरु भएको छ ।

बढ्दो जबरजस्ती करणी र यौनजन्य हिंसाका घटना निराकरण होस् भन्ने उद्देश्यले जिल्लाका विभिन्न संघसस्था तथा सरोकारवालाहरुको पहलमा अभियान सुरु गरिएको हो ।

मानव बेचबिखनविरुद्धको १२ औं राष्ट्रिय दिवसको अवसर पारेर आज अभियानको औपचारिक उद्घाटन गरिएको छ । जिल्ला प्रहरी कार्यालय इलाम, इलाम जिल्ला स्थित विभिन्न सरोकारवाला कार्यालय र संघसंस्थाको आयोजनामा सुरु भएको कार्यक्रमको उद्घघाटन जिल्ला समन्वय समितिका प्रमुख गणेशप्रसाद बरालले गर्नु भएको थियो ।

अभियानको उद्घाटनको अवसरमा प्रभावतफेरी गरिएको थियो । विभिन्न जनचेतनामूलक प्लेकार्डसहितको प्रभातफेरी इलाम नगरपालिका ७ स्थित ठूलो टुँडीखेलबाट सुरु भई बजार परीक्रमा गर्दै चोकबजारमा कोणसभामा परिणत भएको थियो ।

अभियान जिल्ला प्रहरी कार्यालयसहित नेपाल पत्रकार महासंघ, महिला जागरण संघ, माइती नेपाल पशुपतिनगर, मानव अधिकारका लागि महिला एकल महिला समूह, जिल्ला प्रशासन कार्यालयलगायत करिब २० संस्थाको सहभागितामा संयुक्त रुपमा आयोजना सुरु भएको हो ।

अभियान असोज १६ सम्म सञ्चालन हुनेछ । अभियानका क्रममा सडक नाटक मञ्चन, विद्यार्थी सचेतीकरण कार्यक्रम, महिला समुहसँग अन्तरक्रिया, सरोकारवालासँग अन्तरक्रिया, ब्रोसर वितरण लगायतका कार्यक्रम गर्ने तयारी गरिएको जनाइएको छ ।

जिल्लाका १० वटै स्थानीय तहमा अभियान अन्तरर्गतका कार्यक्रम सञ्चालन हुनेछन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्