निर्मला हत्या प्रकरणः महिला समूहद्वारा कालो साडीमा विरोध प्रदर्शन

भदौ २७, २०७५ बुधबार १४:३४:३९ | दुर्गा उपाध्याय

कञ्चनपुर – निर्मला पन्तको बलात्कारपछि हत्याका वास्तविक हत्यारालाई कारबाहीको माग गर्दै कञ्चनपुरका महिलाहरु फेरि आन्दोलित भएका छन् ।

सरकारले १३ वर्षीया बालिका निर्मलाको हत्यारालाई जोगाउन खोजेको भन्दै आमा समूहका महिलाहरु आन्दोलित भएका हुन् ।

घटनाको झण्डै ४९ दिनसम्म निर्मलाको वास्तविक हत्यारा पत्ता नलागेपछि महिलाहरुले हरितालिकाको अवसरमा कालो साडी लगाएर घटनाको विरोध गरेका छन् ।
निर्मलाको हत्याको विरोधमा गठित ‘दवाबमूलक संघर्ष समिति’ले बुधबार महेन्द्रनगरको मदनचोकमा निर्मलाको वास्तविक हत्यारा पत्ता लगाउन माग गर्दै धर्ना दिएका छन् ।

हरितालिकाको दिन कालो साडी लगाएर आफूहरुलाई विरोधमा उत्रिन रहर नभएको भन्दै एउटा बालिकाको न्यायका लागि यसो गर्नु परेको दबाबमूलक संघर्ष समितिका संयोजक हेलेन श्रेष्ठले बताउनुभयो । उहाँले घटना भएको डेढ महिना नाघिसक्दा पनि वास्तविक हत्यारा पत्ता नलाग्नु प्रहरी प्रशासनको लाचारीपन रहेको बताउनुभयो ।

महिलाहरुले निर्मलाको बलात्कारपछि हत्या भएलगत्तैबाट आफ्नो आन्दोलनका कार्यक्रमलाई जारी राखेका थिए । उनीहरुले निर्मलाको वास्तविक हत्यारा पत्ता लगाउन आफूहरुले शान्तीपूर्ण आन्दोलनलाई जारी राख्ने बताएका छन् ।

सरकारले घटनाको छानबिनका लागि १५ दिनको म्यादसहित उच्चस्तरीय छानबिन समिति महेन्द्रनगर पठाए पनि समितिले घटनाका बारेमा निष्कर्ष निकाल्न नसकेपछि महिलाहरु थप आक्रोशित भएका छन् ।

सरकारले गठन गरेको उच्चस्तरिय समितिले १५ दिनको समय माग गरेपछि महेन्द्रनगरबासीले गरेको सहयोगको अवहेलना गर्दै अहिले जिम्मेवारीबाट भाग्न खोजेको संघर्ष समितिका सदस्य रञ्जु थापाले दावी छ । उहाँले प्रहरी प्रशासनको निकम्मापनले सर्वसाधारण जनताले दुःख पाइरहेको बताउँदै वास्तविक हत्यारालाई पत्ता लगाउने कुरामा सरकार नै मौन रहेका आरोप लगाउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्