सामसुङ ग्यालेक्सी नोट ९ मा आगो लाग्यो, अदालतमा पर्‍याे मुद्धा

असोज १, २०७५ सोमबार १३:३३:५१ | एजेन्सी

सामसुङको नोट सिरिज एक पटक फेरि आगो लागेका कारण चर्चामा रहेको छ ।

एजेन्सीहरुका अनुसार सामसुङको फ्ल्यागपशप ग्यालेक्सी नोट ९ मा शर्ट भएर आगो लागेको छ । अमेरिकाको न्यूयोर्ककी एक महिला डियान चुङले पर्समा राखेको सामसुङको नोट ९ मा एकाएक आगो लागेको हो । उनले सर्वोच्च अदालतमा क्षतिपूर्ति माग गर्दै मुद्धा दायर गरेकी छिन् । साथै उनले ग्यालेक्सी नोट ९ को उत्पादन बन्द गरिनुपर्ने माग गरेकी छिन् ।

सर्वोच्च अदालतमा दर्ता भएको मुद्धाका अनुसार चुङ एक रियल स्टेट एजेन्ट हुन् । गएको सेप्टेम्बर ३ को राति चुङ लिफ्टबाट ओर्लिरहेकी थिइन् । उनको मोबाइल एक्कासि तात्न थाल्यो । त्यसपछि उनले आफ्नो मोबाइल पर्समा राखिन् । एकछिनपछि उनको मोबाइलबाट आवाजका साथै धुवाँ आउन थाल्यो ।

त्यसपछि उनले आफ्नो मोबाइल पर्सबाट निकालिन् । मोबाइल बलिरहेको थियो । मोबाइल फ्याँक्ने क्रममा उनको औँलामा पोलेको थियो । केही समय मोबाइल बलिरह्यो ।

यो घटनापछि सामसुङले ग्यालेक्सी नोट ९ मा यस्तो घटना पहिलो पटक भएको बताएको छ । यो मोडेल लन्च गर्ने बेलामा सामसुङका सीईओले ग्यालेक्सी ९ एकदमै सुरक्षित भएको र ब्याट्रीमा आगो नलाग्ने बताएका थिए ।

यसअघि सामसुङको ग्यालेक्सी नोट ७ मा आगलागी भएको थियो । त्यसपछि सामसुङले बजारमा रहेको ग्यालेक्सी नोट ७ फिर्ता मगाउनु परेको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्